BEAR MARKET
ക്രിപ്റ്റോ മാർക്കറ്റിൽ കോയിനുകളുടെ വില നല്ലവണ്ണം കുറയുകയും, വില മെച്ചപ്പെടാതെ വീണ്ടും വീണ്ടും കുറഞ്ഞുകൊണ്ടിരിക്കുകയും ചെയ്യുന്ന അവസ്ഥയാണിത്.
BULL RUN
ക്രിപ്റ്റോ മാർക്കറ്റിൽ കോയിനുകളുടെ വില കൂടികൊണ്ടിരിക്കുന്ന അവസ്ഥ. ചില കോയിനുകൾ എക്കാലത്തെയും ഉയർന്ന വിലയിലേക്ക് എത്തുകയെല്ലാം ചെയ്യും.
ATH - All Time High
ഒരു കോയിന്റെ എക്കാലത്തെയും ഉയർന്ന വിലയെ സൂചിപ്പിക്കുന്നു.
FOMO - Fear Of Missing Out
ഒരു കോയിന്റെ വില പെട്ടെന്ന് കയറി പോകുമ്പോൾ, 'ഇപ്പോൾ വാങ്ങിയാൽ പൈസ ഇനിയും കൂടിയാൽ തനിക്ക് നല്ല ലാഭം കിട്ടും, ഇപ്പോൾ വാങ്ങിയില്ലെങ്കിൽ ഭാവിയിൽ കിട്ടിയേക്കാവുന്ന ലാഭം നഷ്ടപ്പെടും' എന്നുള്ള തോന്നലിൽ കോയിനുകൾ വാങ്ങുന്നതിനെയാണ് FOMO എന്ന് പറയുന്നത്.
FUD - Fear, Uncertainty, Doubt
ഒരു നെഗറ്റീവ് വാർത്ത പ്രചരിക്കുന്നു, അല്ലെങ്കിൽ മാർക്കറ്റിൽ ഉണ്ടാകുന്ന ഒരു പ്രത്യേക സംഭവം ആളുകളെ ഭയപ്പെടുത്തി കയ്യിലുള്ള കോയിനുകൾ വിൽക്കാൻ പ്രേരിപ്പിക്കുന്നു.
HODL/HODLing
കയ്യിലുള്ള കോയിനുകൾ വിൽക്കാൻ തയ്യാറാവാതെ വാലറ്റിൽ സൂക്ഷിച്ചു വെക്കുന്നത്.
BURNING
ഒരു കോയിന്റെ supply കുറക്കുന്നതിനായി, ഒരു നിശ്ചിത എണ്ണം കോയിനുകൾ, അതിന്റെ ഡെവലപ്പേഴ്സ് അല്ലെങ്കിൽ മൈനേഴ്സ്, വീണ്ടെടുക്കാൻ കഴിയാത്ത വിധം, പ്രൈവറ്റ് key നശിപ്പിച്ച അഡ്രസ്സിലേക്ക് അയക്കുന്ന പ്രക്രിയ.
DYOR - Do Your Own Research
ഒരു കോയിൻ വാങ്ങുന്നതിനു മുൻപ്, മറ്റുള്ളവരുടെ അഭിപ്രായങ്ങൾ മാത്രം ചെവികൊള്ളാതെ, ആ കോയിനെക്കുറിച്ചു സ്വന്തമായിതന്നെ പഠനങ്ങൾ നടത്തുക എന്നതിനെ സൂചിപ്പിക്കുന്നു.
To SHILL
ആളുകൾ ഒരുകോയിനെ കുറിച്ച് കൂടുതൽ കാര്യങ്ങൾ സംസാരിച്ച്, അതിനെ പ്രൊമോട്ട് ചെയ്യാൻ ശ്രമിക്കുന്നത്.
ALTCOIN
ബിറ്റ്കോയിൻ ഒഴികെയുള്ള കോയിനുകളെയൊക്കെ തന്നെ Altcoin എന്ന് പറയുന്നു. Ethereum അൾട്കോയിൻ ആണോ അല്ലയോ എന്ന് ചർച്ച ചെയുന്നവരും ഉണ്ട്!
WHALES
ഒരു കോയിന്റെ സപ്ലൈയുടെ സിംഹഭാഗവും കയ്യിൽ സൂക്ഷിച്ചിട്ടുള്ളവർക്കുള്ള വിശേഷണം.
DIAMOND HAND
ഒരു കോയിൻ വാങ്ങുകയും, അതിന്റെ വിലയിലുള്ള ഉയർച്ച താഴ്ച്ചകൾ വകവെക്കാതെ, ആ കോയിനുകൾ വിൽക്കാതെ കയ്യിൽ തന്നെ വെക്കുന്നവർക്കുള്ള വിശേഷണം.
PAPER HAND
ഒരു കോയിൻ വാങ്ങിക്കുകയും, അതിന്റെ വിലയിൽ നേരിയ വ്യത്യാസം വരുമ്പോളേക്കും വിൽക്കുന്നവർക്കുള്ള വിശേഷണം.
FIAT
ട്രെഡിഷണൽ ആയി വിനിമയത്തിനായി ഉപയോഗിക്കുന്ന കറൻസികൾ. ഇന്ത്യൻ രൂപ, യു.എസ് ഡോളർ തുടങ്ങിയവ.
NFT- Non Fungible Token
ഡിജിറ്റലൈസ് ചെയ്ത അസറ്റുകളെ അല്ലെങ്കിൽ കലാസൃഷ്ടികളെ പ്രതിനിധാനം ചെയ്യുന്ന ഒരു പ്രത്യേകതരം ടോക്കണുകൾ.
DCA- Dollar Cost Averaging
കയ്യിലുള്ള പണം മുഴുവൻ ഒറ്റത്തവണയായി ഇൻവെസ്റ്റ് ചെയ്യാതെ, പല ഭാഗങ്ങളാക്കി പല സമയങ്ങളിൽ ഇൻവെസ്റ്റ് ചെയ്ത് കൂടുതൽ എണ്ണം വാങ്ങുന്ന പ്രക്രിയ. കൈവശമുള്ള ആകെ കോയിന്റെ ആവറേജ് വാങ്ങൽ തുക(avg buying price) മെച്ചപ്പെടുത്തുന്ന സ്ട്രാറ്റജിയാണിത്.
Airdrop
നിലവിലുള്ള ഒരു കോയിൻ(ETH, BTC etc.)വാലറ്റിൽ സൂക്ഷിക്കുന്നവർക്ക്, പുതുതായി മാർക്കറ്റിൽ വരുന്ന ഒരു കോയിൻ, പ്രൊമോഷന്റെ ഭാഗമായി വിതരണം ചെയ്യുന്ന മാർഗമാണിത്.
