ബിറ്റ്കോയിന് എന്താ കൊമ്പുണ്ടോ ? [ Part - 5 ]

ന്യായമായ ചോദ്യം. 800 ൽ പരം cryptocurrency കൾ ഇപ്പോൾ തന്നെ വിപണിയിൽ ഉണ്ട് , ഇനിയും നൂറുകണക്കിന് നാണയങ്ങൾ വരാനിരിക്കുന്നു . അപ്പോൾ സപ്ലൈ കൂടില്ലേ ? വില കുറയല്ലേ ? കുറഞ്ഞ വിലയുള്ള കോയിൻ വാങ്ങാതെ കൂടിയ വിലയുള്ള ബിറ്റ്കോയിൻ വാങ്ങുന്നത് ബുദ്ധിമോശമല്ലേ ?

ആദ്യം നമ്മൾ മനസ്സിലാക്കേണ്ടത് കറൻസി മറ്റുള്ള asset കൾ പോലെയല്ല എന്നുള്ളതാണ് . ഉദാഹരണത്തിന് സ്ഥലത്തിന്റെ വില കൂടിയാൽ അതിൽ നിന്നുള്ള ആദായം കൂടണം അല്ലെങ്കിൽ കൈവശം വെക്കുന്ന ആൾക്ക് നഷ്ടം ഉണ്ടാകും . ഒരു കമ്പനിയുടെ ഓഹരിയുടെ വില കൂടിയാൽ അതിന്റെ ഡിവിഡന്റ് കൂടണം (ഇന്നല്ലെങ്കിൽ നാളെ ). പക്ഷെ കറൻസി മാത്രം അങ്ങനെയല്ല , അത് മറ്റുള്ള ചരക്കുകളും സേവനങ്ങളും വാങ്ങാൻ ഉള്ള ഒരു ഉപാധി മാത്രമാണ്. നിങ്ങള്ക്ക് ലഭിച്ചതിനു ശേഷം അതിന്റെ മൂല്യം കുറഞ്ഞിട്ടില്ല എങ്കിൽ നിങ്ങൾക്ക് ഒരു നഷ്ടവും സംഭവിക്കുന്നില്ല. കാരണം , കറൻസി കൈമാറ്റം ചെയ്യുമ്പോൾ മൂല്യശോഷണം (depreciation) ഉണ്ടാകുന്നില്ല.

സഹജമായ മൂല്യം (intrinsic value ) ഇല്ലാത്ത ഒന്നാണ് കറൻസി അഥവാ പണം .വിശ്വാസ്യതയാണ് കറൻസിക്കു വേണ്ട ഏറ്റവും പ്രധാനപ്പെട്ട ഒരു ഗുണം .അതില്ലെങ്കിൽ കറൻസി യുടെ മൂല്യം പൂജ്യം ആകും . വെനീസുവേലയുടെ ബൊളിവാർ (venezuelan bolivar) ആണോ അമേരിക്കൻ ഡോളർ ആണോ നിങ്ങൾ കൈവശം വെക്കാൻ ആഗ്രഹിക്കുക? വിശ്വാസം നഷ്ടപ്പെട്ടാൽ ബിറ്റ്കോയിനിന്റെ വില പൂജ്യം ആകും .

കറൻസി ഭാഷ പോലെയാണ് . എത്ര കൂടുതൽ പേർ അതുപയോഗിക്കുന്നുവോ അതിന്റെ മൂല്യം അത്ര കണ്ടു കൂടുന്നു (network effect). അതുകൊണ്ടു കൂടുതൽ ആളുകൾ സ്വീകരിക്കുന്ന കറൻസി കൂടുതൽ മൂല്യം ഉള്ളതാകുന്നു. ഏറ്റവും കൂടുതൽ സ്ഥലങ്ങളിൽ സ്വീകരിക്കപ്പെടുന്ന ക്രിപ്റ്റോ കറൻസി ബിറ്റ്കോയിൻ തന്നെയാണ്.

ഒരു cryptocurrency എങ്ങനെ മറ്റൊന്നിൽ നിന്നും വ്യത്യസ്തമാകുന്നു എന്ന് നോക്കാം. എല്ലാ cryptocurrency യും പണം മാത്രമല്ല . ബിറ്റ്കോയിൻ പണം മാത്രമായി ഉപയോഗിക്കുമ്പോൾ ethereum ഒരു smart contract blockchain ആണ് . monero ഒരു പണം ആണ് പക്ഷെ ബിറ്റ്കോയിനെക്കാൾ കൂടുതൽ സ്വകാര്യത (privacy) തരുന്ന സാങ്കേതിക വിദ്യ ആണ് അതിൽ ഉപയോഗിക്കപ്പെടുന്നത് . അതു കൊണ്ട് പരസ്പരം മത്സരിക്കാതെ തന്നെ ഒന്നിൽ കൂടുതൽ കറൻസികൾ നിലനിൽക്കും

വിശ്വാസ്യതയാണ് കറൻസിയുടെ ഏറ്റവും വലിയ ഗുണം എന്ന് പറഞ്ഞല്ലോ ? കഴിഞ്ഞ 9 കൊല്ലത്തോളമായി ഒരിക്കലും നിലക്കാതെ (zero downtime) പ്രവർത്തിച്ചു കൊണ്ടിരിക്കുന്ന ഒന്നാണ് ബിറ്റ്കോയിൻ . ബിറ്റ് കോയിൻ protocol ഇതുവരെ മാറ്റപ്പെട്ടിട്ടില്ല എന്നതും ശ്രദ്ധിക്കേണ്ട കാര്യം ആണ് .രണ്ടാമത് നിൽക്കുന്ന ethereum നു പോലും ഈ സവിശേഷത അവകാശപ്പെടാൻ ആവില്ല. cryptocurrency ഒരു software ആണ് . അതിനാൽ അതിന്റെ ഏറ്റവും വലിയ മുതൽക്കൂട്ട് അതിന്റെ development team ആണ് . ഈ മേഖലയിൽ ഏറ്റവും പ്രഗദ്ഭരായ 200 ൽ പരം developers ആണ് ബിറ്റ്കോയിന് പിന്നിൽ പ്രവർത്തിക്കുന്നത്. അത് കൊണ്ട് ബിറ്റ്കോയിൻ നെറ്റ്‌വർക്ക് വീഴ്ച കൂടാതെ പ്രവർത്തിക്കും എന്നുള്ള വിശ്വാസം ആണ് ബിറ്റ്കോയിനെ വേറിട്ടതാക്കുന്നതു.

വികേന്ദ്രീകൃതമായ (decentralized) ഒരു കറൻസി യാണ് ബിറ്റ്കോയിൻ . മറ്റുള്ള കറൻസികൾ decentralized ആണ് എന്ന് അവകാശപ്പെടുന്നുണ്ടെങ്കിലും അവയെല്ലാം ഒരാളെയോ , ഒരു ഗ്രൂപിനെയോ ആശ്രയിച്ചാണ് നിലനിൽക്കുന്നത് എന്ന് കാണാം. അത് കൊണ്ട് ഒരു സർക്കാരോ , ഒരു corporation നോ അതിനെ വരുതിയിൽ ആക്കാനുള്ള സാധ്യത കൂടുതൽ ആണ്.

(തുടരും)

(courtesy: Noble Paul)

ബിറ്റ്കോയിൻ 2.1 കോടിയിൽ കൂടുതൽ ഉണ്ടാവില്ല എന്ന് എങ്ങനെ ഉറപ്പിക്കാം ? [ Part -2 ]

നിരവധി ആളുകൾ ഉന്നയിച്ചിട്ടുള്ള ഒരു സംശയം ആണ് ഇത് .ആദ്യമായി നമുക്ക് ബിറ്റ്കോയിൻ ശൃംഖല എങ്ങനെയാണ് പ്രവർത്തിക്കുന്നത് എന്ന് മനസിലാക്കാൻ ശ്രമിക്കാം. ആയിരക്കണക്കിന് കംപ്യൂട്ടറുകൾ ഒരേ ഭാഷ (protocol ) സംസാരിക്കുന്ന ഒരു ശൃംഖലയാണ് ഇത് .ഈ protocol കോഡീകരിച്ചിട്ടുള്ള സോഫ്റ്റ്‌വെയർ നെ ബിറ്റ്കോയിൻ ക്ലയന്റ് (bitcoin client ) എന്നാണു പറയുക . ആർക്കു വേണമെങ്കിലും തന്റെ സ്വന്തം ലാപ്ടോപ്പിൽ ഡൌൺലോഡ് ചെയ്തു പ്രവർത്തിപ്പിക്കാവുന്ന ഒന്നാണ് ഈ സോഫ്റ്റ്‌വെയർ .തങ്ങളുടെ protocol നു വ്യത്യസ്തമായി പ്രവർത്തിക്കുന്ന എല്ലാ കംപ്യൂട്ടറുകളെയും reject ചെയ്യാൻ തക്ക രീതിയിൽ ആണ് ഈ സോഫ്റ്റ്‌വെയർ നിർമ്മിച്ചിരിക്കുന്നത് .

ഉദാഹരണത്തിന് 10 മിനിറ്റിൽ ഒരു പുതിയ ബ്ലോക്ക് , അത് കണ്ടെത്തുന്ന കംപ്യൂട്ടറിനു 12.5 ബിറ്റ്കോയിൻ എന്നാണു നിയമം . ഇതിൽ ഏതെങ്കിലും ഒരു കമ്പ്യൂട്ടർ 12.5 നു പകരം 13 ബിറ്റ്കോയിൻ create ചെയ്തു എന്ന് കരുതുക . മറ്റുള്ള കംപ്യൂട്ടറുകൾ എല്ലാം ആ ബ്ലോക്ക് reject ചെയ്യും.

അപ്പോൾ പുതിയ സോഫ്റ്റ്‌വെയർ ഈ protocol മാറ്റിയാൽ ?

പുതിയ സോഫ്റ്റ്‌വെയർ ഇൻസ്റ്റാൾ ചെയ്യണോ വേണ്ടയോ എന്ന് തീരുമാനിക്കേണ്ടത് ആ കമ്പ്യൂട്ടറിന്റെ ഉടമസ്ഥൻ ആണ് . ആരാണോ ഇത് ആദ്യമായി ഇൻസ്റ്റാൾ ചെയ്യുന്നത് ആ കമ്പ്യൂട്ടർ ഈ ശൃംഖലയിൽ നിന്ന് പുറത്താക്കപ്പെടും. അത് കൊണ്ട് ഓരോ പുതിയ version ഉം പഴയതുമായി compatible ആയിരിക്കണം. ഒരേ സമയം അനേകം വേർഷൻ സോഫ്റ്റ്‌വെയർ പ്രവർത്തിപ്പിപ്പിച്ചാലും അവയെല്ലാം compatible ആയിരിക്കണം , അതാണ് ഇതിന്റെ പ്രത്യേകത.

അപ്പോൾ അപ്ഗ്രേഡ് സാധ്യമല്ലേ ?

സാധ്യമാണ് . നമുക്ക് നമ്മുടെ മലയാളം ഭാഷ ഉദാഹരണം ആയിട്ടെടുക്കാം . നമുക്ക് മനസ്സിലാകാത്ത ഒരു വാക്കു ഒരു ആൾ ഉപയോഗിച്ചാൽ അത് തെറ്റാണ് എന്ന് നമ്മൾ പറയില്ല . പക്ഷെ നമുക്കറിയാവുന്ന ഒരു വാക്കു ഒരാൾ തെറ്റായി പറഞ്ഞാൽ നമ്മൾ അത് അംഗീകരിക്കില്ല . അതായത് ഒരു തേങ്ങയെ മാങ്ങ എന്ന് പറഞ്ഞാൽ നമ്മൾ അംഗീകരിക്കില്ല എന്ന് ചുരുക്കം. പക്ഷെ ഒരു പുതിയ വാക്കു ഒരു പ്രശ്നമല്ല താനും

തേങ്ങയെ മാങ്ങ എന്ന് പറയുന്നതിനെ ഹാർഡ് ഫോർക് (Hard Fork) എന്ന് വിശേഷിപ്പിക്കുന്നു . പുതിയ വാക്കുകൾ ഉപയോഗിക്കുന്നതിനെ സോഫ്റ്റ് ഫോർക് (soft fork) എന്നും വിശേഷിപ്പിക്കുന്നു. സോഫ്റ്റ് ഫോർക് ചെയ്‌താൽ കുഴപ്പമില്ല , പുതിയ വാക്കുകൾ മനസ്സിലാകാത്തവർ അത് അവഗണിക്കും , മനസ്സിലാകുന്നവർ അതിന്റെ അർഥം ഗ്രഹിക്കും . അത്രയേ ഉള്ളൂ .

ഓരോ അപ്ഗ്രേഡും സോഫ്റ്റ് ഫോർക് ആയിട്ടാണ് റിലീസ് ചെയ്യുന്നത്. അത് കൊണ്ട് ആരും reject ചെയ്യപ്പെടുന്നില്ല . അതായത് ഏറ്റവും ആദ്യത്തെ വേർഷൻ സോഫ്റ്റ്‌വെയർ ൽ ഉള്ള rules മാറ്റണം എങ്കിൽ ഒരു ഹാർഡ് ഫോർക് ആവശ്യമാണ് എന്ന് ചുരുക്കം . അതിനു ഈ ശൃംഖലയിലെ എല്ലാ കംപ്യൂട്ടറുകളും ഒരേ സമയത്തു അപ്ഗ്രേഡ് ആയിരിക്കണം.

അപ്പോൾ എല്ലാവരും ഒറ്റക്കെട്ടായി തീരുമാനിച്ചാൽ ഇത് മാറ്റാൻ കഴിയില്ലേ? 2.1 കോടിയിൽ കൂടുതൽ ഉണ്ടാവില്ലേ? ശരിയാണ്, എല്ലാവരും ഒറ്റക്കെട്ടായി വിചാരിക്കണം . സ്വന്തമായി ബിറ്റ്കോയിൻ ഉള്ള ഒരാൾ ഒരിക്കലും അങ്ങനെ വിചാരിക്കില്ല അതാണ് പ്രശ്നം.

(courtesy: Noble Palul)

ബിറ്റ്കോയിൻ തട്ടിപ്പുകൾ.... Part - 4

പണം ഉണ്ടാക്കുന്നതിനേക്കാൾ ബുദ്ധിമുട്ടാണ് പണം നഷ്ടപ്പെടാതെ സൂക്ഷിക്കാൻ . ആളുകളുടെ അറിവില്ലായ്മയെ ചൂഷണം ചെയ്തു തട്ടിപ്പു നടത്തുന്നവർ നിരവധിയാണ് . നിങ്ങൾ ബിറ്റ്കോയിനിൽ നിക്ഷേപിച്ചില്ലെങ്കിൽ ഒരു കുഴപ്പവും ഇല്ല. ചതിക്കുഴികൾ ഒഴിവാക്കുക.

എന്താണ് പുതിയ തട്ടിപ്പുകാർ ബിറ്റ്കോയിൻ ഉപയോഗിക്കാൻ കാരണം .

1) ബിറ്റ്കോയിൻ സാങ്കേതിക വിദ്യ അതീവ സങ്കീർണമാണ്. അതുകൊണ്ടു സാധാരണക്കാർക്ക് അത് എളുപ്പത്തിൽ മനസ്സിലാക്കാൻ കഴിയില്ല . അത് കൊണ്ട് അവർ വസ്തുതകൾ മനസ്സിലാക്കാൻ ശ്രമിക്കാതെ മറ്റുള്ളവരെ വിശ്വസിക്കാനാണു സാധ്യത

2) ബാങ്ക് അക്കൗണ്ട് പോലെ KYC ഒന്നും ഇല്ലാത്ത ഒരു സങ്കേതം ആണ് ബിറ്റ്കോയിൻ. നിങ്ങൾ ഒരാൾക്ക് ബിറ്റ്കോയിൻ അയച്ചു കൊടുത്താൽ അത് ആരാണെന്നോ , ആ പണം എവിടെ പോയി എന്നോ നിയമപാലകർക്കു കണ്ടു പിടിക്കാനാവില്ല. അത് കൊണ്ട് തട്ടിപ്പുകാർക്ക് risk കുറവാണ്.

3) ബിറ്റ്കോയിനിൽ നിക്ഷേപിച്ചു പണമുണ്ടാക്കിയ ഒരുപാട് കഥകൾ മുഖ്യധാരാ മാധ്യമങ്ങളിൽ സുലഭം ആണ്. അവയെ ഉദ്ധരിച്ചു അവർ പ്രചാരണം നടത്തുമ്പോൾ വിശ്വാസ്യത കൂടുന്നു.

എന്തൊക്കെയാണ് തട്ടിപ്പുകാർ അവലംബിക്കുന്ന മാര്ഗങ്ങൾ ?

1) ponzi/MLM അഥവാ മണിചെയിൻ തട്ടിപ്പുകൾ: സാധാരണ മണിചെയിൻ തട്ടിപ്പുകൾ പോലെ തന്നെയാണ് , പക്ഷെ ഒരേ ഒരു വ്യത്യാസം അവർ സാധാരണ പണത്തിനു പകരം ബിറ്റ്കോയിൻ അയച്ചു തരാനാണ് ആവശ്യപ്പെടാറു. മണിചെയിൻ തട്ടിപ്പിന്റെ പ്രധാന തന്ത്രം അവർ മണിചെയിൻ അല്ല എന്ന് നിങ്ങളെ ബോധ്യപ്പെടുത്തുക എന്നതാണ്. ഇത് കണ്ടുപിടിക്കാൻ ഉള്ള മാർഗം വളരെ ലളിതം ആണ് . നിങ്ങൾ വേറൊരു ആളെ ചേർത്ത്‌ കഴിഞ്ഞാൽ നിങ്ങള്ക്ക് കമ്മീഷൻ ഉണ്ട് എന്ന് പറഞ്ഞാൽ ന്യായമായും അതൊരു മണിചെയിൻ ആണെന്ന് സംശയിക്കാം. Zarfund, Mycashpool തുടങ്ങി 1000 അനേകം തട്ടിപ്പുകാർ ഈ രംഗത്തുണ്ട്

2 ) ബിറ്റ്കോയിൻ മൈനിങ് (mining അഥവാ ഖനനം) : ബിറ്റ്കോയിനു വില കൂടുതൽ ആണ് മൈനിങ് ചെയ്‌താൽ കുറഞ്ഞ ചെലവിൽ ബിറ്റ്കോയിൻ സമ്പാദിക്കാം എന്ന് പറഞ്ഞാണ് അവർ ഇരകളെ വലയിൽ ആക്കുന്നത്. മൈനിങ് എന്നത് സാധാരണക്കാർക്ക് മനസ്സിലാക്കാൻ ബുദ്ധിമുട്ടുള്ളത് കൊണ്ട് ആളുകളെ പെട്ടെന്ന് ആശയക്കുഴപ്പത്തിൽ ആക്കാൻ സാധിക്കുന്നു. എന്താണ് ഇതിലെ വസ്തുത.ബിറ്റ്കോയിൻ മൈനിങ് വളരെ ചെലവുള്ളതും ലാഭം കുറഞ്ഞതും ആയ ഒരു സംരംഭം ആണ്. മാത്രമല്ല ഒരുപാട് മത്സരം ഉള്ള മേഖലയും ആണ്. മൈനിങ് വഴി ബിറ്റ്കോയിൻ ലഭിക്കും എന്നത് സത്യം ആണ് , പക്ഷെ അതിനൊക്കെ അതിന്റേതായ ചെലവും ഉണ്ട്

3) Alt coin (ഇതരനാണയങ്ങൾ ) നിക്ഷേപം : ബിറ്റ്കോയിൻ പോലെ വിപണിയിൽ എണ്ണൂറോളം നാണയങ്ങൾ വേറെയും ഉണ്ട് . തട്ടിപ്പുകാരുടെ തന്ത്രം ഇതാണ് .8 വര്ഷം മുൻപ് 1 ബിറ്റ്കോയിനു ഒരു ഡോളറിൽ താഴെയായിരുന്നു. ഇപ്പോൾ ബിറ്റ്കോയിനു 4500 ഡോളറിനു അടുത്ത് വിലയുണ്ട്. അതുകൊണ്ടു ഇനി ബിറ്റ്കോയിനു വില കൂടാൻ സാധ്യത കുറവാണ് , മറ്റുള്ള കോയിനുകൾക്കു ആണ് ഇനി എളുപ്പത്തിൽ 100 മടങ്ങു വില കൂടാൻ ഉള്ള സാധ്യത.ഇതിൽ ചെറിയ ഒരു സത്യം ഉണ്ട്, പക്ഷെ 99% altcoin കളും നിക്ഷേപകരുടെ പണം നഷ്ടപ്പെടുത്തുന്നതായിട്ടാണ് കാണുന്നത്.(വിശദമായി മറ്റൊരു ലക്കത്തിൽ )

തുടരും

(courtesy: Noble Paul)

ബിറ്റ്കോയിൻ നിക്ഷേപം എങ്ങനെ ? [ Part -3 ]

ഇത് ഒരു നിക്ഷേപകരുടെ കൂട്ടായ്മയാണ് .അത് കൊണ്ട് ഒരു പാട് ആളുകളുടെ ചോദ്യം ഇതാണ്. എനിക്കെങ്ങനെ ഇതിൽ നിക്ഷേപിക്കാം, ലാഭമുണ്ടാക്കാം? ബിറ്റ്കോയിൻ എന്നതുകൊണ്ട് ഞാൻ എല്ലാ ക്രിപ്റ്റോകറൻസി (cryptocurrency) യും ആണ് ഉദ്ദേശിക്കുന്നത് .ഇതേറിയം (ethereum ETH), ലൈറ്റ്കോയിൻ (litecoin, LTC), റിപ്പിൾ (Ripple XRP),മൊണീറോ (Monero XMR) അങ്ങനെ എണ്ണൂറിൽ പരം കറൻസികൾ ഉണ്ട് .ഒരു ശരാശരി മലയാളിക്ക് എങ്ങനെയൊക്കെ നിക്ഷേപങ്ങൾ നടത്താം എന്നു നമുക്കു നോക്കാം.

ദീർഘകാല നിക്ഷേപങ്ങൾ (long term investments)

ഏറ്റവും എളുപ്പമുള്ള, ലളിതമായ ഒരു നിക്ഷേപം ആണ് ഇത്. അതിനായി zebpay, unocoin, localbitcoins മുതലായ സേവനങ്ങൾ ഉപയോഗിക്കാവുന്നതാണ്. (ഗൾഫിൽ ഉള്ളവർക്ക് bitoasis.netഉപയോഗിക്കാം) . നിങ്ങൾ ഒരു ചെറിയ തുകക്ക് ബിറ്റ്കോയിൻ വാങ്ങി സൂക്ഷിക്കുന്നു , ആവശ്യമുള്ളപ്പോൾ വിറ്റു പണമാക്കുന്നു, അത്രേ ഉള്ളൂ. സ്വർണം പോലെ ഒരു bearer instrument ആണ് ബിറ്റ്കോയിൻ. അതായത് ആരുടെ കൈവശം ആണോ ഇതിന്റെ രഹസ്യ കോഡ് (private key) ഉള്ളത് അയാളുടേതാണ് ആ ബിറ്റ്കോയിൻ. സ്വർണം ഡീമാറ്റ് (demat) ആയിട്ടും സൂക്ഷിക്കാം, വീട്ടിലെ അരിപ്പെട്ടിയിലും സൂക്ഷിക്കാം. രണ്ടിന്റെയും വ്യത്യാസങ്ങൾ ഞാൻ പ്രത്യേകം പറയണ്ടല്ലോ. ഒരു മൂന്നു മാസത്തിൽ കൂടുതൽ ഒരു വലിയ തുക സൂക്ഷിക്കാൻ ആഗ്രഹിക്കുന്നു എങ്കിൽ എക്സ്ചേഞ്ചുകളിൽ സൂക്ഷിക്കാതിരിക്കുന്നതാണ് ഉത്തമം. നിങ്ങൾ സ്വന്തമായി ഒരു വാലറ്റ് ഉണ്ടാക്കി അതിൽ സൂക്ഷിക്കാം .കൂടുതൽ വിവരങ്ങൾ നമുക്ക് വേറൊരു പോസ്റ്റിൽ ചർച്ച ചെയ്യാംhttps://bitcoin.org/en/choose-your-wallet .

ഇന്ത്യയിൽ ഉള്ള സേവനങ്ങൾ എല്ലാം തന്നെ ബ്രോക്കേഴ്‌സ്‌ (brokers) ആണ്. അതായത് നിങ്ങൾ ഇടപാട് നടത്തുന്നത് ബ്രോക്കറുമായിട്ടാണ് അല്ലാതെ വില്പനക്കാരനുമായിട്ടല്ല . അത് കൊണ്ട് buy/sell നിരക്കുകളിൽ ഒരു 2-3 ശതമാനം വ്യത്യാസം (spread ) ഉണ്ടാകാറുണ്ട്. മാത്രമല്ല ഇന്ത്യയിലെ നിരക്കുകൾ അന്താരാഷ്‌ട്ര വിപണിയെക്കാളും വ്യത്യസ്തമായിരിക്കും (മിക്കവാറും 3-5% കൂടുതൽ ). അതിനുള്ള കാരണം, ഇന്ത്യയിൽ നിന്നും അന്താരാഷ്‌ട്ര വിപണിയിൽ പണം അയക്കാൻ ബുദ്ധിമുട്ടാണ് എന്നുള്ളതാണ്. നിങ്ങളുടെ സുഹൃത്തുക്കൾ വിദേശത്തുണ്ടെങ്കിൽ അവരെ ആശ്രയിക്കാവുന്നതാണ്. നിലവിൽ ഇന്ത്യൻ നിക്ഷേപകർക്ക് ഇതര കറൻസികൾ (alt coins) വാങ്ങാൻ സൗകര്യം ഇല്ല. അങ്ങനെ ആഗ്രഹം ഉള്ളവർ അന്താരാഷ്ട്ര exchanges ഉപയോഗിക്കേണ്ടി വരും (bitfinex , poloniex , bittrex, kraken ). ഇവിടെ നിന്ന് വാങ്ങിയ ബിറ്റ്കോയിൻ അങ്ങോട്ട് അയച്ചു, അതിനു പകരം മറ്റു alt coin വാങ്ങാവുന്നതാണ്

ട്രേഡിങ്ങ്

ബിറ്റ്കോയിൻ വിലയിൽ ഉണ്ടാകുന്ന ഏറ്റക്കുറച്ചിലിൽ (volatility ) നിന്ന് ലാഭം ഉണ്ടാക്കണം എന്ന് ആഗ്രഹം ഉള്ളവർ അത് ഒരു അന്താരാഷ്‌ട്ര exchange ൽ ചെയ്യേണ്ടതാണ്. നല്ല റിസ്കും , പരിശ്രമവും ആവശ്യമുള്ളതാണ് ട്രേഡിങ്ങ് എന്ന് നിങ്ങളോടു ഞാൻ പറഞ്ഞു തരേണ്ട കാര്യം ഇല്ലല്ലോ. technical analysis മാത്രം പോരാ , ബിറ്റ്കോയിൻ ലോകത്തു നടക്കുന്ന പുതിയ സംഭവവികാസങ്ങളെക്കുറിച്ചു ഗ്രാഹ്യം ഉണ്ടായിരിക്കണം ട്രേഡിങ്ങ് ചെയ്യാൻ. നിങ്ങൾ വാങ്ങിയ ബിറ്റ്കോയിൻ bitfinex , bitstamp, kraken, bitoasis.net മുതലായ അന്താരാഷ്‌ട്ര exchange കളിലേക്ക് അയച്ചതിനു ശേഷം ട്രേഡിങ്ങ് ചെയ്യാവുന്നതാണ്. നിങ്ങൾ ലാഭം ഉണ്ടാക്കി കഴിയുമ്പോൾ അതുപയോഗിച്ചു ബിറ്റ്കോയിൻ വാങ്ങുക, ആ ബിറ്റ് കോയിൻ ഇന്ത്യൻ എക്സ്ചേഞ്ച് കളിലേക്കു അയച്ചു അത് വിറ്റു പണം നിങ്ങളുടെ അക്കൗണ്ടിലേക്കു മാറ്റാവുന്നതാണ്. നിങ്ങൾ ഒരു NRI ആണെങ്കിൽ, അന്താരാഷ്‌ട്ര എക്സ്ചേഞ്ച് കളിൽ നിന്നും നിങ്ങളുടെ അക്കൗണ്ടിലേക്കു ഡോളർ/യൂറോ നേരിട്ട് അയക്കാം. ഇൻകം ടാക്സ് കൊടുക്കേണ്ടി വരില്ല. bitfinex, kraken മുതലായ എക്സ്ചേഞ്ചുകൾ മാർജിൻ ട്രേഡിങ്ങ് ചെയ്യാൻ സൗകര്യം ഉള്ളവയാണ്. ബിറ്റ്കോയിൻ ഉപയോഗിച്ച് ഇതര കോയിനുകളും മാർജിൻ ട്രേഡ് ചെയ്യാവുന്നതാണ്.

N.B : ഇതൊരു investment advise അല്ല . നിങ്ങൾ ഉണ്ടാക്കുന്ന ലാഭത്തിനും നഷ്ടത്തിനും പൂർണ്ണ ഉത്തരവാദികൾ നിങ്ങൾ മാത്രമായിരിക്കും.

(തുടരും)

(courtesy: Noble Paul)

ബിറ്റ്കോയിൻ............? [ Part 1 ]

ബിറ്റ് കോയിനെ കുറിച്ചു ഒരുപാട് ആളുകൾ പറയുന്ന കാര്യമാണ് ."ഇതൊരു വൻ തട്ടിപ്പാണ്", "ഉഡായ്പ്പാണ്" എന്നിങ്ങനെ . യഥാർത്ഥത്തിൽ എന്താണ് വസ്തുത ?

1 ) ലോകത്തിലെ ഏറ്റവും സുതാര്യമായ കറൻസിയാണ് ബിറ്റ്കോയിൻ. അതിന്റെ സോഫ്റ്റ്‌വെയർ സോഴ്സ് കോഡ് മുതൽ , തുടക്കം മുതൽ ഇന്നു വരെയുള്ള ഓരോ ക്രയ വിക്രയവും ലോകത്തിലെ ആർക്കും നോക്കാവുന്ന ഒരു തുറന്ന പുസ്തകം ആണ്. ഒരു പക്ഷെ വിക്കിപീഡിയ യെക്കാൾ കൂടുതൽ സുതാര്യം.
2 ) ബിറ്റ്കോയിൻ ഒരു നിക്ഷേപം ആണെന്നോ , പണം ഇരട്ടിപ്പിക്കുമെന്നോ ബിറ്റ്കോയിൻ ഒരിക്കലും പറഞ്ഞിട്ടില്ല . പിന്നെ ആരാണ് ഇത് പറയുന്നത് ? ഇതിനു മുൻപ് നിക്ഷേപിച്ച ആളുകൾ past performance അനുസരിച്ചു ഭാവിയിലെ വില extrapolate ചെയ്തു പറയുന്നതാണ് ഇത് . 

3 ) സ്വർണം , വെള്ളി , ക്രൂഡ് ഓയിൽ മുതലായ commodity പോലെ ഒരു ഡിജിറ്റൽ commodity ആണ് ബിറ്റ്കോയിൻ. അതിന്റെ വില കൂടിയും കുറഞ്ഞും ഇരിക്കും. ലാഭം ഉണ്ടാക്കാനും നഷ്ടം ഉണ്ടാക്കാനും സാധ്യത ഉള്ള ഒരു നിക്ഷേപം ആണ് ഇതെന്ന് അംഗീകരിക്കുക . പണം ഇരട്ടിയാക്കാൻ ഉള്ള കുറുക്കു വഴി ആണ് ഇത് എന്ന് ആരെങ്കിലും പറഞ്ഞാൽ അത് വിശ്വസിക്കരുത്.

4) ബിറ്റ്കോയിൻ അടുത്ത നൂറുകണക്കിന് കൊല്ലത്തേക്ക് എത്രയെണ്ണം , ഏതു തോതിൽ വിതരണം ചെയ്യപ്പെടും എന്നുള്ള rules അതിന്റെ ആദ്യത്തെ ദിവസം (2009 ജനുവരി 9, 18:15:05 GMT ) മുതൽ നിജപ്പെടുത്തിയിട്ടുള്ളതാണ് . ഇത് വരെ ആ rule മാറിയിട്ടില്ല , ഇനി അത് മാറ്റുക എന്നത് അസാധ്യം എന്ന് തന്നെ പറയാം. 10 മിനിറ്റിൽ 12.5 ബിറ്റ്കോയിൻ ആണ് നിലവിൽ create ചെയ്യപ്പെടുന്നത് . 2020 ജൂൺ 17നു അത് 10 മിനിറ്റിൽ 6.25 ആയി കുറയും (ഇത് ചിലപ്പോൾ അല്പം നേരത്തെയാകാം). പിന്നെ 2024 ജൂൺ മാസത്തിൽ അത് 10 മിനിറ്റിൽ 3.125 ആയി കുറയും. അങ്ങനെ 2140 മെയ് മാസം ആകുമ്പോൾ അവസാനത്തെ ബിറ്റ്കോയിനും വിതരണം ചെയ്തു കഴിയും(2.1 കോടി ബിറ്റ്കോയിൻ). ഈ ഉറപ്പാണ് ബിറ്റ്കോയിനിൽ ഉള്ള വിശ്വാസത്തിനു ആധാരം.

5) ബിറ്റ്കോയിൻ ന്റെ ഉപയോഗം എന്നത് നിക്ഷേപം ഇരട്ടിയാക്കുക എന്നുള്ളതല്ല . അതിനു വേണ്ടിയല്ല അത് കണ്ടുപിടിച്ചത് . ഇടനിലക്കാരില്ലാതെ രണ്ടു വ്യക്തികൾ തമ്മിലുള്ള ക്രയവിക്രയം സാധ്യമാക്കുക എന്നതാണ് ഇതിന്റെ ഒരു ഉദ്ദേശ്യം (peer to peer money transfer). കടലാസ് പണം (paper money) ഇല്ലാതാകുമ്പോൾ മനുഷ്യർക്ക് സ്വതന്ത്രമായി ക്രയവിക്രയം ചെയ്യാനുള്ള സങ്കേതം ഇല്ലാതാകുന്നു. മാത്രമല്ല,മറ്റു രാജ്യങ്ങളിക്ക് പണം അയക്കുന്നത് സർക്കാരുകൾ അതീവ ക്ലേശകരം ആക്കുന്നു (capital controls ). അതിനെയൊക്കെ മറികടക്കാൻ ഉള്ള ഒരു സങ്കേതം ആണ് ബിറ്റ് കോയിൻ . പണപ്പെരുപ്പം ഇല്ലാത്ത ഒരു കറൻസി ആണ് മറ്റൊരു ലക്‌ഷ്യം . ലോകത്തിലുള്ള എല്ലാ സർക്കാരുകളും പണം അടിച്ചു കൂട്ടുമ്പോൾ ഒരു വ്യക്തിക്ക് നഷ്ടപ്പെടുന്നത് അവന്റെ സമ്പാദ്യത്തിന്റെ മൂല്യം ആണ്. പണം അടിച്ചു കൂട്ടുന്ന സർക്കാരുകളിൽ നിന്നും സാധാരണ മനുഷ്യന് ഒരുമോചനം അതാണ് ബിറ്റ്കോയിൻ വിഭാവനം ചെയ്യുന്ന കിനാശ്ശേരി. 

6) "ബിറ്റ്കോയിൻ പോലെ മറ്റനേകം കോയിനുകൾ വിപണിയിൽ ഉണ്ട് അതിനു വില കുറവല്ലേ അപ്പോൾ അത് വാങ്ങുന്നതല്ലേ ലാഭം" എന്ന് ചോദിക്കാറുണ്ട് ആളുകൾ . അത് അടുത്ത ലക്കത്തിൽ 

(തുടരും...)

(COURTESY: nOBLE pAUL)

BITCOIN കറൻസിയുടെ വെർച്വൽ അവതാരം

മൈനിംഗ് അഥവാ ഖനനം എന്ന് കേൾക്കാത്തവർ ഒരുപക്ഷേ ആരുംതന്നെ ഉണ്ടാവില്ല.പെട്രോളിയം, സ്വർണ്ണം, കൽക്കരി, തുടങ്ങി നമ്മുടെ പല നിത്യോപയോഗസാധനങ്ങൾ പലതും ഭൂമിക്കടിയിൽനിന്നും കുഴിച്ചെടുക്കുന്നവയാണ്. അതുകൊണ്ട്തന്നെ ഖനനം/മൈനിംഗ് എന്ന് കേൾക്കുമ്പോൾ തന്നെ നമ്മുടെ മനസിലേയ്ക്ക് ആദ്യം വരുന്നതുതന്നെ ഭൂമിക്കടിയിലെ ഇരുട്ടറകളും വലിയ യന്ത സാമഗ്രികളും കരിപുരണ്ട ഖനിത്തൊഴിലാളികളും ഒക്കെയാണ്. എന്നാൽ ഇത്തരം യന്ത്രങ്ങളുടെ സഹായമില്ലാതെ, കറിയും, പുകയുമില്ലാതെ അധ്വാനമില്ലാതെ, ഭൂമിയെ ഒരുതരത്തിലും ചൂഷണം ചെയ്യാതെ ഇവിടെ ശബ്ദരഹിതമായാണ് ഖനനം നടന്നുകൊണ്ടേയിരിക്കുന്നത്, അതാണ് BITCOIN ഖനനം / മൈനിംഗ് നടക്കുന്നത്.

എന്താണ് BIT COIN / ബിറ്റ്കോയിൻ.........?

ഇടനിലക്കാരോ, വിവിധ രാജ്യങ്ങളിലെ കേന്ദ്ര ബാങ്കുകളോ, സർക്കാരുകളോ നിയന്ത്രിക്കാനില്ലാത്ത സ്വതന്ത്ര നാണയം എന്ന ആശയമാണ് ബിറ്റ്കോയിനിലൂടെ യഥാത്യമായിരിക്കുന്നതു. ക്രെഡിറ്റ് കാർഡ്‌, ഡെബിറ്റ് കാർഡ്‌, വാലറ്റുകൾ തുടങ്ങി മറ്റേതു ഇലക്ട്രോണിക്സ് അധിഷ്ഠിതമായ ധനവിനിമയ സങ്കേതങ്ങളെയും പോലെ BITCOIN/ബിറ്റ്കോയിനും ഒരു ആധുനിക ഇലക്ട്രോണിക്സ് അധിഷ്ഠിത ധനവിനിമയ മാർഗ്ഗമായി തന്നെയാണ് കണക്കാക്കുന്നത്. ക്രെഡിറ്റ്‌ കാർഡ്‌, ഡെബിറ്റ് കാർഡ്‌, വാലെറ്റുകൾ തുടങ്ങിയ എല്ലാവിധ ധനവിനിമയ സംവിധാനങ്ങളും നിലവിലുള്ള സാധാരണ കറൻസികളെ അടിസ്ഥാനമാക്കിയാണ് പ്രവർത്തിക്കുന്നത്. എന്നാൽ ബിറ്റ്കോയിന്റെ പ്രവർത്തനം നിലവിലുള്ള കറൻസികളെ അടിസ്ഥാനമാക്കിയുള്ളതല്ല എന്നതാണ് ബിറ്റ്‌കോയിൻ മറ്റുള്ളവയിൽ നിന്നും വ്യത്യസ്തനാക്കുന്നത്. വ്യക്തമായിപ്പറഞ്ഞാൽബിറ്റ്‌കോയിൻ  ഒരു സ്വതന്ത്ര കറൻസിയാണ് എന്നാൽ സാധാരണ കറൻസിയിൽ നിന്നും വളരെയധികം വ്യത്യസ്തനുമാണ്.

നമ്മുടെ പരമ്പരാഗതമായ നാണയങ്ങളിൽ നിന്നും വ്യത്യസ്തമാണ് BITCOIN /ബിറ്റ്കോയിൻ. ക്രിപ്റ്റോഗ്രാഫി എന്ന സാങ്കേതികവിദ്യയിൽ അധിഷ്ഠിതമായി പ്രവർത്തിക്കുന്ന ഭൗതികരൂപമില്ലാത്ത നാണയ സമ്പ്രദായമാണ് ബിറ്റ്‌കോയിൻ.മുഖ്യമായും ഇന്റർനെറ്റ്‌ വഴി സാമ്പത്തിക ഇടപാടുകൾക്കായി ഉപയോഗിക്കുന്ന ഡിജിറ്റൽ നാണയമായ ബിറ്റ്‌കോയിൻ ലോഹ നിർമ്മിതമായ നാണയമോ കടലാസ് നോട്ടോ അല്ല. കമ്പ്യൂട്ടർ ഭാഷയിൽ തയ്യാറാക്കിയിരിക്കുന്ന ഒരു പ്രോഗ്രാം / എൻക്രിപ്റ്റ് ചെയ്തിരിക്കുന്ന ഒരു കോഡാണ് ബിറ്റ്‌കോയിൻ.എൻക്രിപ്‌ഷൻ സാങ്കേതികവിദ്യ ഉപയോഗിച്ചിരിക്കുന്നതിനാൽ ഇതിനെ "ക്രിപ്റ്റോകറൻസി"യെന്നും വിളിക്കും. ഇതര ബാങ്കിംഗ് സംവിധാനങ്ങൾ ഉപയോഗിക്കുന്നതിനും എത്രയോ മടങ്ങ്‌ സുരക്ഷിതമായ "ക്രിപ്റ്റോഗ്രാഫിക്സ് " സാങ്കേതികവിദ്യയിലാണ് ബിറ്റ്‌കോയിൻ ശൃംഖല പ്രവർത്തിക്കുന്നത്. മാത്രവുമല്ല ഇടപാടുകൾ പലസ്ഥലങ്ങളിൽ രേഖപ്പെടുത്തിവെക്കുന്നതിനാൽ പിഴവുകൾ ഒരിക്കലും സംഭവിക്കില്ല എന്നതും ബിറ്റ്‌കോയിൻ മറ്റു നാണയങ്ങളിൽ നിന്നും വ്യത്യസ്തനാക്കുന്നു.

ബിറ്റ്‌കോയിൻ പ്രവർത്തനം...?

കേന്ദ്രീകൃതമായ ഒരു നിയന്ത്രണം ബിറ്റ്‌കോയിന്റെ കാര്യത്തിൽ ഇല്ല. അതുകൊണ്ടുതന്നെ നമ്മൾ ഉപയോഗിക്കുന്ന കമ്പ്യൂട്ടറും എതിർ കക്ഷിയുടെ കംപ്യൂട്ടറുമുൾപ്പടെ ബിറ്റ്‌കോയിൻ ഇടപാടുകൾ നടക്കുന്ന എല്ലാ കംപ്യൂട്ടറുകളും ഉൾപ്പെടുന്ന ഒരു നെറ്റ്‌വർക്ക് സംവിധാനമാണ് ബിറ്റ്‌കോയിന്റെ വിനിമയവും നിയന്ത്രണവുമെല്ലാം സാധ്യമാക്കുന്നത്. 

            ഇനി താങ്കൾ തന്റെ സുഹൃത്തിനോട് ഒരു സാധനം വാങ്ങുന്നു എന്ന് കരുതുക. സാധനത്തിന്റെ വിലയായി സുഹൃത്തിന്റെ അക്കൗണ്ടിൽ നിന്നും പണം കൊടുക്കണം. ബിറ്റ്‌കോയിൻ ഉപയോഗിച്ച് നടത്തുന്ന ഇടപാടിനായി സുഹൃത്തിന്റെ കമ്പ്യൂട്ടറിൽ ഒരു പ്രത്യേക വിലാസം നിർമ്മിച്ച്‌ അത് നിങ്ങളുടെ കമ്പ്യൂട്ടറിലേക്ക് അയക്കും. തുടർന്ന് നിങ്ങളുടെ കൈവശമുള്ള ബിറ്റ്‌കോയിനിൽ നിന്നും ആവശ്യമുള്ളതുക ഈ വിലാസത്തിലേക്ക് കൈമാറുന്നു. ഈ ഇടപാടിന്റെ വിശദാംശങ്ങൾ ആയ വിലാസങ്ങൾ, ബിറ്റ്‌കോയിൻ തിരിച്ചറിയൽ വിവരങ്ങൾ എന്നിവ നെറ്റ്വർക്കിലുള്ള എല്ലാ കമ്പ്യൂട്ടറിലേക്കും കൈമാറുന്നു. ഇത്തരത്തിൽ കൈമാറ്റം ചെയ്യുന്ന വിവരങ്ങളെ 🔗ബ്ലോക്ക് ചെയിൻ🔗 എന്ന പബ്ലിക്ഇലക്ട്രോണിക് ലെഡ്ജറിൽ രേഖപ്പെടുത്തിവെയ്ക്കുന്നു. ഇതൊരു തുടർച്ചയായ പ്രവർത്തനമാണ്. നെറ്റ് വർക്കിലുള്ള എല്ലാ സർവ്വറുകളും ഇതിൽ ഭാഗമാകുന്നു. ഇത്തരത്തിൽ ഒരു നിശ്ചിതസമയത്തിനുള്ളിൽ അതുവേറെയുള്ള വിവരങ്ങൾ ഒക്കെ ഒരു 💼ബ്ലോക്ക്‌💼ആയി നെറ്റ് വർക്കിൽ ഉറപ്പിക്കും. ഈ ബ്ലോക്കിൽനിന്നാണ് അടുത്ത ബ്ലോക്കിനുള്ള നിർമ്മാണം ആരംഭിക്കുന്നത്. ഈ ബ്ലോക്ക് ചെയിനിന്റെ അടിസ്ഥാനമാക്കിയാണ് ബിറ്റ്‌കോയിൻ ശൃംഖലയുടെ നിലനില്പ്. പൂർത്തിയാക്കപ്പെട്ട എല്ലാ ബിറ്റ്‌കോയിൻ വിനിമയ വിവരങ്ങളും ഈ ലെഡ്ജറിൽ ആലേഖനം ചെയ്യപ്പെടുന്നു. ഇതിലൂടെ ബിറ്റ്‌കോയിനുകളുടെ ഒഴുക്ക് കൃത്യമായി മനസിലാക്കാൻ കഴിയുന്നു. കണക്കുകൾ രേഖപ്പെടുത്താൻ മൂന്നാം കക്ഷി ഇല്ലാത്തതിനാൽ ഈ കണക്കുപുസ്തകം പരിപാലിക്കാനുള്ള കൂട്ടുത്തരവാദിത്വം ബിറ്റ്‌കോയിൻ ശൃംഖലയിൽ ഉള്ളവർക്കാണ്.

ബിറ്റ്‌കോയിന്റെ ചരിത്രം....?

പറയത്തക്ക ചരിത്രമോ, വർഷങ്ങളുടെ പ്രവർത്തനപരമ്പര്യമോ ഒന്നും അവകാശപ്പെടാൻ ഇല്ലാത്ത ഒരു, "ക്രിപ്റ്റോ"കറൻസിയാണ് ബിറ്റ്കോയിൻ. ബിറ്റ്കോയിൻ എന്ന ക്രിപ്റ്റോ കറൻസി ആദ്യമായി അവതരിപ്പിച്ചത് 2008- ൽ ആണ്. 🖇സതോഷി നാക്കാമോട്ടോ🖇 എന്ന അപരനാമത്തിൽ  അറിയപ്പെടുന്ന ഏതോ ഒരു വ്യക്തിയോ, സംഘടനയോ ആണ് ഇതിന്റെ പിന്നണിയിൽ പ്രവർത്തിച്ചത്. 2008-ൽ സതോഷി ബിറ്റ്കോയിൻ പ്രോട്ടോക്കോൾ അവതരിപ്പിക്കുകയും 2009-ൽ ബിറ്റ്കോയിൻ നെറ്റ്‌വർക്ക് നിലവിൽ വരുകയും ചെയ്തു. ബിറ്റ്‌കോയിൻ പ്രോട്ടോക്കോളും അനുബന്ധ സോഫ്റ്റ്‌വെയറുകളും നിർമ്മിച്ചു കൂടുതൽ വികസനത്തിനാവശ്യമായ എല്ലാ സൗകര്യവും ഒരുക്കി, 2011-ൽ തൻ ആരാണെന്ന ഒരു സൂചനപോലും നൽകാതെ💎 സതോഷി നകാമോട്ടോ 💎 ബിറ്റ്‌കോയിൻ ലോകത്തുനിന്നും പെട്ടന്ന് അപ്രത്യക്ഷനാവുകയാണുണ്ടായത്. പിന്നീട് സതോഷി നക്കമൊട്ടോയ്‌ക്ക്‌ വേണ്ടി പലരും അന്വഷണം നടത്തിയെങ്കിലും ഇദ്ദേഹം / സംഘടന ആരാണെന്നു കൃത്യമായി കണ്ടെത്താനായില്ല. ജപ്പാനിലെ ഗണിത ശാസ്ത്രജ്ഞനും, കമ്പ്യൂട്ടർ എഞ്ചിനീയറും, സാമ്പത്തിക ശാസ്ത്രജ്ഞനും ആയ 🥇ഷിച്ചിനി മോചിസൂകി 🏅അല്ലാതെ മറ്റാരുമാകാൻ വഴിയില്ലെന്ന് പല വിദഗ്ധരും അഭിപ്രായപ്പെട്ടു. എന്തൊക്കെയായാലും ലോക സാമ്പത്തിക വ്യവസ്ഥയെതന്നെ മാറ്റിമറിക്കാൻ പര്യാപ്തമായ ബിറ്റ്‌കോയിൻ എന്ന മഹത്തായ ആശയത്തിന്റെ സൃഷ്ടാവ് ആര് എന്നത് ഇന്നും ഉത്തരമില്ലാത്ത ചോദ്യമായി അവശേഷിക്കുന്നു.

What is Bitcoin? [ English article ]

Bitcoin is a payment system introduced as open-source software in 2009 by developer Satoshi Nakamoto. The payments in the system are recorded in a public ledger using its own unit of account, which is also called bitcoin. Payments work peer-to-peer without a central repository or single administrator, which has led the US Treasury to call bitcoin a decentralized virtual currency. Although its status as a currency is disputed, media reports often refer to bitcoin as a cryptocurrency or digital currency.

Bitcoins are created as a reward for payment processing work in which users offer their computing power to verify and record payments into the public ledger. Called mining, individuals or companies engage in this activity in exchange for transaction fees and newly created bitcoins. Besides mining, bitcoins can be obtained in exchange for fiat money, products, and services. Users can send and receive bitcoins electronically for an OPTIONAL TRANSACTION fee using wallet software on a personal computer, mobile device, or a web application.

Bitcoin as a form of payment for products and services has seen growth,and merchants have an incentive to accept the digital currency because fees are lower than the 2-3% typically imposed by credit card processors. The European Banking Authority has warned that bitcoin lacks consumer protections. Unlike credit cards, any fees are paid by the purchaser not the vendor. Bitcoins can be stolen and chargebacks are impossible. Commercial use of bitcoin is currently small compared to its use by speculators, which has fueled price volatility.

Bitcoin has been a subject of scrutiny amid concerns that it can be used for illegal activities. In October 2013 the US FBI shut down the Silk Road online black market and seized 144,000 bitcoins worth US$28.5 million at the time. The US is considered bitcoin-friendly compared to other governments. In China, buying bitcoins with yuan is subject to restrictions, and bitcoin exchanges are not allowed to hold bank accounts.

If you want to know more then check out the full Bitcoin Wikipedia article or watch the YouTube video below.  https://youtu.be/Gc2en3nHxA4

Bitcoin................?

ലോകം കണ്ട ഏറ്റവും വലിയ സൈബര്‍ ആക്രമണം വിതച്ച വാനാക്രൈ റാന്‍സം വെയറിന്റെ വ്യാപനത്തിന്റെ പശ്ചാത്തലത്തില്‍ ഡിജിറ്റല്‍ കറന്‍സിയായ ബിറ്റ്‌കോയിന്‍ വീണ്ടും വാര്‍ത്തകളില്‍ ഇടം നേടിയിരിക്കുകയാണ്.

നാം കണ്ടുപരിചയിച്ച കറന്‍സികളില്‍ നിന്ന് ഇത് തീര്‍ത്തും വ്യത്യസ്തമാണെന്നതിനാലും വിനിമയത്തിലെ സങ്കീര്‍ണ്ണതകള്‍ കൊണ്ടും ബിറ്റ്‌കോയ്ന്‍ എന്താണ് എന്നത് പലര്‍ക്കും ഇപ്പോഴും അവ്യക്തമാണ്.

എന്താണ് ബിറ്റ്‌കോയ്ന്‍

ക്രിപ്‌റ്റോഗ്രാഫി എന്ന രഹസ്യഭാഷ അധിഷ്ഠിതമായി പ്രവര്‍ത്തിക്കുന്ന ഡിജിറ്റല്‍ കറന്‍സിയാണ് ബിറ്റ്‌കോയ്ന്‍. നതാഷി നക്കോമൊട്ടോ (അപരനാമമാണിത്) രൂപംകൊടുത്ത ബിറ്റ്‌കോയ്ന്‍ ഓപ്പണ്‍ സോഴ്‌സ് സോഫ്റ്റ്‌വെയര്‍ ആയാണ് പ്രവര്‍ത്തിക്കുന്നത്. വിന്‍ഡോസ്, ലിനക്‌സ്, മാക്, ബ്ലാക്ക്‌ബെറി, ആന്‍ഡ്രോയ്ഡ് ഓപ്പറേറ്റിംഗ് സംവിധാനങ്ങളില്‍ ബിറ്റ്‌കോയ്ന്‍ ആപ്ലിക്കേഷന്‍ പ്രവര്‍ത്തിക്കും. സാധാരണ കറന്‍സികളില്‍ നിന്ന് വ്യത്യസ്തമായി ഇതിന് ഭൗതിക രൂപമില്ല.

ബിറ്റ്‌കോയ്ന്‍ ഖനനം

സാധാരണ ഖനനം പോലെയല്ല, ബിറ്റ്‌കോയ്ന്‍ മൈനിംഗ്. കംപ്യൂട്ടറില്‍ ചെയ്യുന്ന സങ്കീര്‍ണമായ കണക്കുകൂട്ടലാണിത്. ഇതിന് ഹാഷിംഗ് എന്നുപറയുന്നു. കണക്കുകൂട്ടലുകള്‍ക്ക് ഉത്തരം കണ്ടെത്തുമ്പോള്‍ അതിനു പ്രതിഫലമായി ബിറ്റ്‌കോയ്‌നുകള്‍ ലഭിക്കുന്നു. സമാഹരിക്കുന്ന പണം ഒരു ഉടമയുടെ 'വാലറ്റി'ല്‍ നിക്ഷേപിക്കപ്പെടുന്നു. ഇത് തുറക്കാന്‍ പാസ്‌വേര്‍ഡ് ആവശ്യമാണ്. സാധാരണ കറന്‍സികളില്‍ നിന്ന് വ്യത്യസ്തമായി ഇത് ചുരുങ്ങിയ അളവില്‍ മാത്രമേയുള്ളു. 210 ലക്ഷം ബിറ്റ്‌കോയ്‌നുകള്‍ മാത്രമേ ഖനനം ചെയ്ത് എടുക്കാനാകൂ. കൂടുതല്‍ ബിറ്റ്‌കോയ്‌നുകള്‍ ലഭിക്കുംതോറും ഖനനപ്രക്രിയ കൂടുതല്‍ സങ്കീര്‍ണ്ണമാകും. ഇന്നേവരെ 110 ലക്ഷം ബിറ്റ്‌കോയ്‌നുകള്‍ മാത്രമേ ഖനനം ചെയ്ത് എടുക്കാനായിട്ടുള്ളു. 2140ല്‍ ബിറ്റ്‌കോയ്ന്‍ ഖനനം പൂര്‍ത്തിയാകും എന്നാണ് കണക്കാക്കുന്നത്.

സുരക്ഷിതമാണോ?

രൂപയുടെ വിനിമയം റിസര്‍വ് ബാങ്ക് ഓഫ് ഇന്ത്യയുടെ നിയന്ത്രണത്തിലാണല്ലോ. ഇതുപോലെ മറ്റെല്ലാ കറന്‍സികള്‍ക്കും ഉള്ളതുപോലെ ബിറ്റ്‌കോയ്‌നുകളെ നിയന്ത്രിക്കാന്‍ ഒരു പ്രത്യേക സ്ഥാപനമില്ല. പക്ഷെ എല്ലാ ഇടപാടുകളും കൃത്യമായി രേഖപ്പെടുത്തുന്നുണ്ട്. നിയന്ത്രിക്കാന്‍ ആളില്ലെങ്കിലും വളരെ സങ്കീര്‍ണമായ ക്രിപ്‌റ്റോഗ്രാഫിക് സാങ്കേതികവിദ്യ ആയതിനാല്‍ ഇത് തികച്ചും സുരക്ഷിതമാണത്രെ. ബാങ്ക് പോലെയുള്ള ഇടനിലക്കാരില്ലാത്തതുകൊണ്ട് കൈമാറ്റങ്ങള്‍ക്ക് ചെലവ് കുറവാണ്.

മുന്നിലുള്ള കടമ്പകള്‍

ചൈനയില്‍ ബിറ്റ്‌കോയ്ന്‍ ഇടപാടുകള്‍ നിരോധിച്ചു. ഇന്ത്യയില്‍ റിസര്‍വ് ബാങ്ക് ബിറ്റ്‌കോയ്‌നുകളെ അംഗീകരിച്ചിട്ടില്ല. ആമസോണ്‍ പോലുള്ള വൈബ്‌സൈറ്റുകള്‍ ഇവ സ്വീകരിക്കുമെന്ന് പറഞ്ഞെങ്കിലും അതും ഒരിടത്ത് എത്തിയിട്ടില്ല. ഇത്തരം ചില കടമ്പകള്‍ ബിറ്റ്‌കോയ്‌നുകള്‍ക്ക് മുമ്പ് ഇപ്പോഴുമുണ്ടെങ്കിലും ഒരു തരംഗം പോലെ ബിറ്റ്‌കോയ്‌നുകള്‍ ജനശ്രദ്ധയാകര്‍ഷിക്കുന്നു.

ബിറ്റ്‌കോയിന്‍ ഖനനം അഥവാ ബിറ്റ്‌കോയിന്‍ മൈനിങ് ....?

ബിറ്റ്‌കോയിനുകളെക്കുറിച്ച് പറയുമ്പോള്‍ ഒരുപക്ഷേ ഏറ്റവുമധികം ആശയക്കുഴപ്പമുണ്ടാക്കുന്ന സംഗതി ബിറ്റ്‌കോയിന്‍ ഖനനം അഥവാ ബിറ്റ്‌കോയിന്‍ മൈനിങ് ആയിരിക്കും. ബിറ്റ്‌കോയിന്‍ എന്ന വെര്‍ച്വല്‍ ക്രിപ്‌റ്റോകറന്‍സിയുടെ ഇടപാടുകള്‍ സൂക്ഷിച്ചുവയ്ക്കാന്‍ ഒരു പ്രത്യേക വ്യക്തിയോ സ്ഥാപനമോ ഇല്ല. ഏതെല്ലാം അക്കൗണ്ടില്‍ എത്ര ബിറ്റ്‌കോയിനുകളുണ്ട് എന്ന വിവരം കുറിച്ചുവെച്ചിട്ടുള്ള ഒരു പൊതു കണക്കുപുസ്തകമാണ് ബിറ്റ്‌കോയിന്‍ ബ്ലോക്ക് ചെയിന്‍ . ആ ബ്ലോക്ക് ചെയിനിലേക്ക് ഇടപാടുകള്‍ രേഖപ്പെടുത്തുന്നതാണ് യഥാര്‍ത്ഥത്തില്‍ ബിറ്റ്‌കോയിന്‍ മൈനിങ്. ഇത്തരത്തില്‍ ഇടപാടുകള്‍ രേഖപ്പെടുത്തുമ്പോള്‍ രണ്ടുതരത്തില്‍ പ്രതിഫലം സ്വീകരിക്കാം.

ഒന്ന് ഇടപാടുകള്‍ പെട്ടന്ന് കണക്കില്‍ കൊള്ളിച്ചുകിട്ടാന്‍ നല്‍കുന്ന ഇടപാടുകാര്‍ നല്‍കുന്ന കമ്മീഷന്‍ .

 രണ്ട് ബിറ്റ്‌കോയിന്‍ ബ്ലോക്ക് ചെയിനിലേക്ക് ഒരു പുതിയ ബ്ലോക്ക് കൂട്ടിച്ചേര്‍ക്കപ്പെടുമ്പോള്‍ ബിറ്റ്‌കോയിന്‍ സംവിധാനം സൃഷ്ടിക്കുന്ന കോയിനുകള്‍ . ആര്‍ക്കും ഇടപെടാവുന്ന ഒരു പൊതുവിനിമയ സംവിധാനമെന്ന നിലയ്ക്ക് കയ്യാങ്കളിക്കുള്ള സാധ്യത പരമാവധി ഒഴിവാക്കപ്പെടേണ്ടതുണ്ട്. ബിറ്റ്‌കോയിന്‍ ബ്ലോക്ക് ചെയിന്‍ എന്ന കണക്കുപുസ്തകത്തെ അടിസ്ഥാനമാക്കി മാത്രം നിലനില്‍ക്കുന്ന ഒരു കറന്‍സി സംവിധാനമായതിനാല്‍ , അതിന്റെ സുരക്ഷിതത്വം വളരെ പ്രധാനമാണ്. ഒരു വ്യക്തിക്കോ ഒരുകൂട്ടം വ്യക്തികള്‍ക്കോ വ്യാജമായി സൃഷ്ടിക്കാനോ കയ്യാങ്കളി നടത്താനോ സാധിക്കാത്ത വിധം സുരക്ഷിതമാക്കപ്പെട്ടതാകണം ഇത്തരത്തിലുള്ള ഒരു പൊതുലെഡ്ജര്‍ . അതിനാല്‍ ബിറ്റ്‌കോയിനില്‍ ബ്ലോക്കുകള്‍ (ഒന്നില്‍ കൂടുതലുള്ള വിനിമയ രേഖകള്‍) കൂട്ടിച്ചേര്‍ക്കുന്നത് സങ്കീര്‍ണ്ണമായ ക്രിപ്‌റ്റോഗ്രാഫിക് സങ്കേതത്തിലൂടെയാണ്. ഇതു മാത്രമല്ല ഡബിള്‍ സ്‌പെന്‍ഡിങ്എന്ന ഗുരുതരമായ പ്രശ്‌നവും പരിഹരിക്കപ്പെടേണ്ടതുണ്ട്. അതായത് ഒരു കക്ഷി മറ്റൊരു കക്ഷിക്ക് തന്റെ കയ്യിലുള്ള ബിറ്റ്‌കോയിനുകള്‍ നല്‍കുന്നു. തുടര്‍ന്ന് അതേ അക്കൗണ്ടില്‍ നിന്നുതന്നെ മറ്റൊരു ഇടപാടുകൂടി നടത്താന്‍ ശ്രമിക്കുന്നു. എന്നുവെച്ചാല്‍ , ഇല്ലാത്ത പണം ഉണ്ടെന്നു കാട്ടി ഇടപാട് നടത്താന്‍ ശ്രമിക്കുന്നു. ഇത്തരം ഡബിള്‍ സ്‌പെന്‍ഡിങ് ഒഴിവാക്കിയേ തീരൂ. അതിനാല്‍ മുമ്പു നടന്ന ഇടപാടുകള്‍ ബിറ്റ്‌കോയിന്‍ ബ്ലോക്ക് ചെയ്‌നില്‍ മൈനിങ് നടത്തുന്നവര്‍ ഉള്‍ക്കൊള്ളിച്ച ശേഷമേ പുതിയ ഇടപാടുകള്‍ നടത്താനാകൂ.ബിറ്റ്‌കോയിന്‍ വിനിമയംഒരു ഉദാഹരണത്തിലൂടെ.

 ബിറ്റ്‌കോയിന്‍ വിനിമയം

 അഥവാ ഇടപാട് വ്യക്തമാക്കാം. ആലീസിന്റെ വാലറ്റില്‍ 10 ബിറ്റ്‌കോയിനുകളുണ്ട്. അതില്‍നിന്ന് അഞ്ച് ബിറ്റ്‌കോയിനുകള്‍ ബോബിന്റെ അക്കൗണ്ടിലേക്ക് മാറ്റാന്‍ ആഗ്രഹിക്കുന്നു (ആലീസ്, ബോബ് എന്നീ പേരുകള്‍ ക്രിപ്‌റ്റോഗ്രാഫിക് ഉദാഹരണങ്ങളില്‍ പരമ്പരാഗതമായി ഉപയോഗിക്കപ്പെടുന്നതാണ്). അതിനായി ബോബ് തന്റെ ബിറ്റ്‌കോയിന്‍ സോഫ്റ്റ്‌വേര്‍ ഉപയോഗിച്ച് ഒരു അഡ്രസ്സ് നിര്‍മ്മിച്ച് ആലീസിന് കൈമാറുന്നു. ഇവിടെ ആലീസിന്റെ അക്കൗണ്ടില്‍ എത്ര ബിറ്റ്‌കോയിനുകളുണ്ടെന്ന വിവരം എവിടെ നിന്ന് ലഭിക്കും? ആ വിവരം രേഖപ്പെടുത്തിയിട്ടുള്ള കണക്കുപുസ്തകമാണ് ബിറ്റ്‌കോയിന്‍ ബ്ലോക്ക് ചെയിന്‍ . ആ ബ്ലോക്ക് ചെയിന്‍ ബിറ്റ്‌കോയിന്‍ ശൃംഖലയിലുള്ള ആര്‍ക്കും പരിശോധിക്കാവുന്നതാണ്. ആലീസ് തന്റെ പക്കലുള്ള 10 ബിറ്റ്‌കോയിനുകളില്‍ നിന്ന് അഞ്ചെണ്ണം ബോബിന്റെ വിലാസത്തിലേക്ക് മാറ്റുന്ന വിവരം, ബിറ്റ്‌കോയിന്‍ ശൃഖലയില്‍ പരസ്യപ്പെടുത്തുന്നു. ഡിജിറ്റല്‍ സിഗ്‌നേച്ചര്‍ ഉപയോഗിച്ചാണത് ചെയ്യുന്നത്. ഇവിടെ ഡിജിറ്റല്‍ സിഗ്‌നേച്ചറിലൂടെ പ്രസ്തുത ഇടപാടിന്റെ ഉടമസ്ഥാവകാശം ഉറപ്പുവരുത്തുന്നു. അതായത് ബിറ്റ്‌കോയിന്‍ നെറ്റ്‌വര്‍ക്കിലുള്ള ആര്‍ക്കും ആലീസിന്റെ പബ്ലിക് കീ ഉപയോഗിച്ച് പ്രസ്തുത ഇടപാട് നടത്തിയിരിക്കുന്നത് ആലീസ് തന്നെയാണെന്ന് ഉറപ്പു വരുത്താനാകും.

 ക്രിപ്‌റ്റോഗ്രാഫിക് ഹാഷിങ്

 ഡിജിറ്റല്‍ സിഗ്‌നേച്ചര്‍ തുടങ്ങിയവയെപ്പറ്റി ചില ആമുഖ വിവരങ്ങള്‍ അറിയുന്നത് ബിറ്റ്‌കോയിന്‍ മൈനിങിന്റെ ഉള്ളുകള്ളികള്‍ അറിയാന്‍ സഹായിക്കും. .ക്രിപ്‌റ്റോഗ്രാഫിക് ഹാഷിങ്വാക്കുകളേയും വാചകങ്ങളേയും കാച്ചിക്കുറുക്കി നിശ്ചിത വലിപ്പമുള്ള ഒറ്റവാക്കാക്കി മാറ്റുന്നതിനെയാണ് ഹാഷിങ് എന്നു പറയുന്നത്. ഡേറ്റയ്ക്കനുസരിച്ച് ഹാഷും വ്യത്യാസപ്പെടുമെങ്കിലും ഹാഷിന്റെ വലിപ്പം ഒന്നു തന്നെയായിരിക്കും. അതായത് ഒരു വാക്ക് ഹാഷ് ചെയ്താലും ഒരു വാക്യം ഹാഷ് ചെയ്താലും ഒരു പുസ്തകം മുഴുവന്‍ ഹാഷ് ചെയ്താലും ലഭിക്കുന്ന ഹാഷിന്റെ വലിപ്പം തുല്യമായിരിക്കും. ഹാഷ് ചെയ്യാന്‍ പല സാങ്കേതികവിദ്യകളും ഉപയോഗിക്കുന്നുണ്ട്. അതില്‍ പ്രധാനപ്പെട്ടവയാണ് MD5, SHA-1, SHA-2തുടങ്ങിയവ. ഒരു ഡേറ്റ എത്രതവണ ഹാഷ് ചെയ്താലും കിട്ടുന്ന ഉത്തരം ഒന്നുതന്നെ ആയിരിക്കും. അതായത് kerala'എന്ന വാക്ക് SHA-2 ഉപയോഗിച്ച് ഹാഷ്ചെയ്താല്‍ കിട്ടുന്നത്.'84e8d09362030741321bf25b27b5b69d3f3fc594ca408875ab31324c8e2567ea 'എന്നായിരിക്കും. ഹാഷിങ് എത്രതവണ ആവര്‍ത്തിച്ചാലും ലഭിക്കുന്ന കോഡ് ഇതു തന്നെ. മാത്രവുമല്ല, ലഭിച്ച ഹാഷില്‍നിന്ന് ഡേറ്റ ഊഹിച്ചെടുക്കാനുമാകില്ല. ഡേറ്റയിലുള്ള ചെറിയ മാറ്റം (ഒരു കുത്തോ കോമയോ വരെ) ഹാഷ് ചെയ്തുകിട്ടുന്ന ഫലത്തെ മുഴുവനായി മാറ്റിമറിച്ചേക്കാം. ഉദാഹരണത്തിന് 'Kerala (K വലിയ അക്ഷരം ) യുടെ ഹാഷ് ശ്രദ്ധിക്കുക'43cd57fe436eb0ac82bb2e33f2faddf78a8b6036b8eecf8c64106821c3cecffd'

ഇവിടെ ഹാഷ് പരിശോധിച്ച് ഡേറ്റയില്‍ എന്തെങ്കിലും വ്യത്യാസം വന്നിട്ടുണ്ടോ എന്ന് അറിയാവുന്നതാണ്.

ഡിജിറ്റല്‍ സിഗ്‌നേച്ചര്‍

 പേനയും പേപ്പറും

ഉപയോഗിച്ച് ഒപ്പിടുന്നതിന്റെ ഡിജിറ്റല്‍ പരിഭാഷയാണ് ഡിജിറ്റല്‍ സിഗ്‌നേച്ചര്‍ എന്ന് പേരില്‍ നിന്നുതന്നെ വ്യക്തം. ബാങ്കുകളും മറ്റു ധനകാര്യ സ്ഥാപനങ്ങളും ഒപ്പ് പരിശോധിച്ച് ഉടമയെ സ്ഥിരീകരിക്കുന്നതിന്റെ ഒരു ഡിജിറ്റല്‍ രൂപമാണ് ഡിജിറ്റല്‍ സിഗ്‌നേച്ചര്‍. ഡിജിറ്റല്‍ സിഗ്‌നേച്ചര്‍ സാങ്കേതിക വിദ്യയുടെ അടിസ്ഥാന ഘടകങ്ങള്‍ മൂന്നാണ് - പ്രൈവറ്റ് കീ പബ്ലിക് കീ ഡോക്യുമെന്റ് ഇവിടെ സുരക്ഷിതമാക്കേണ്ട ഡോക്യുമെന്റ് ഹാഷ് ചെയ്ത് ചെറുതാക്കിയതിനു ശേഷം െ്രെപവറ്റ് കീ ഉപയോഗിച്ച് എന്‍ക്രിപ്റ്റ് ചെയ്യുന്നു. അപ്പോള്‍ ലഭിക്കുന്നതാണ് സിഗ്‌നേച്ചര്‍ . ആര്‍ക്കാണോ ഡേറ്റ കൈമാറേണ്ടത് അയാള്‍ക്ക് ഡേറ്റയും സിഗ്‌നേച്ചറും പബ്ലിക് കീയും നല്‍കുന്നു. സ്വീകര്‍ത്താവിന് പബ്ലിക് കീ ഉപയോഗിച്ച പ്രസ്തുത ഡേറ്റ യഥാര്‍ത്ഥമാണോ എന്നു പരിശോധിക്കാവുന്നതാണ്. അതായത് ലഭിച്ച ഡേറ്റ നിശ്ചിത രീതിയില്‍ ഹാഷ് ചെയ്താല്‍ കിട്ടുന്ന ഉത്തരവും ഡിജിറ്റല്‍ സിഗ്‌നേച്ചറിനെ പബ്ലിക് കീ ഉപയോഗിച്ച് ഹാഷ് ചെയ്താല്‍ ലഭിക്കുന്ന ഉത്തരവും ഒന്നായാല്‍ ഡേറ്റ സൈന്‍ ചെയ്തിരിക്കുന്നത് യഥാര്‍ത്ഥ ഉടമസ്ഥന്‍ തന്നെയാണെന്ന് ഉറപ്പു വരുത്താം. ഗ്രാഫിക്‌സ് ശ്രദ്ധിക്കുക.

മേല്‍ സൂചിപ്പിച്ച ഇടപാട് കണക്കില്‍ ചേര്‍ത്താല്‍ (ബിറ്റ്‌കോയിന്‍ ലഡ്ജറായ ബ്ലോക്ക് ചെയിനില്‍ ഉള്‍ക്കൊള്ളിച്ചാല്‍ ) മാത്രമേ വിനിമയം പൂര്‍ണ്ണമാകൂ. ഓരോ നിമിഷവും ഇത്തരത്തില്‍ അനേകം ബിറ്റ്‌കോയിന്‍ ഇടപാടുകള്‍ നടക്കുന്നു. അവയെല്ലാം ലഡ്ജറില്‍ ചേര്‍ക്കുന്നത് ബിറ്റ്‌കോയിന്‍ മൈനിങ് നടത്തുന്നവരാണ്. ഓരോ ഇടപാടുകളും പരിശോധിച്ച് ഒന്നില്‍ കൂടുതല്‍ ഇടപാടുകള്‍ ഒരു ബ്ലോക്ക് ആക്കി മാത്രമേ ബിറ്റ്‌കോയിന്‍ ബ്ലോക്ക് ചെയിനില്‍ ചേര്‍ക്കാനാകൂ. ബിറ്റ്‌കോയിന്‍ ബ്ലോക്ക് ചെയിനിനെ ഒരു കണക്കുപുസ്തകമായി കണക്കാക്കിയാല്‍ , അതിലേ ഓരോ പേജിനേയും ഒരു ബ്ലോക്ക് എന്ന് വിളിക്കാം. ബ്ലോക്കിലെ ഓരോ വരിയും ഇടപാടുകളായി കണക്കാക്കാം. ഓരോ ബ്ലോക്കും അതിനു തൊട്ടു മുന്‍പത്തെ ബ്ലോക്കുമായി ബന്ധപ്പെട്ടിരിക്കുന്നു. അടുത്ത് ചേര്‍ക്കപ്പെടേണ്ട ബ്ലോക്കിന്റെ നമ്പര്‍ ഏതാണെന്ന് ബ്ലോക്ക് ചെയിന്‍ നോക്കി മനസ്സിലാക്കാവുന്നതാണ്. ലളിതമായി പറഞ്ഞാല്‍ കണക്കു പുസ്തകത്തിലെ നിലവിലെ പേജ് നമ്പര്‍ 156 ആണെങ്കില്‍ , അടുത്ത നമ്പര്‍ 157 ആയിരിയ്ക്കുമല്ലോ? ബിറ്റ്‌കോയിന്‍ മൈനിങ് നടത്തുന്നവരുടെ ലക്ഷ്യം ഈ നമ്പര്‍ ആയിരിക്കും. അതായത് തങ്ങള്‍ തെരഞ്ഞെടുക്കുന്ന ഇടപാടുകളെയെല്ലാം ആറ്റിക്കുറുക്കി (ഹാഷിങ് നടത്തി) പ്രസ്തുത നമ്പര്‍ ഉണ്ടാക്കണം. ഇത് വളരെ ശ്രമകരമായ ജോലിയാണ്. കാരണം നേരത്തേ സൂചിപ്പിച്ചതു പോലെ ഡേറ്റയില്‍ ചെറിയൊരു മാറ്റം വന്നാല്‍ പോലും ഹാഷ് ചെയ്‌തെടുത്ത ഫലത്തില്‍ കാര്യമായ വ്യത്യാസം വന്നേക്കാം അതിനാല്‍ മൈനിങ് നടത്തുന്നവര്‍ ക്രമമായി ഓരോ നമ്പറുകള്‍ എടുത്ത് പരീക്ഷിച്ച് ഫലം ലഭിച്ചോ എന്ന് പരിശോധിക്കുന്നു. ഇത്തരത്തില്‍ ഏതു നമ്പര്‍ ഉപയോഗിച്ചാലാണ് ലക്ഷ്യമാക്കിയ ഉത്തരം ലഭിക്കുക എന്ന് ഒരിക്കലും മുന്‍കൂട്ടി കാണാനാകാത്തതിനാല്‍ , നമ്പര്‍ പൂട്ടിലെ നമ്പര്‍ വീണ്ടെടുക്കാന്‍ ഓരോ കോമ്പിനേഷനുകള്‍ പരിശോധിക്കുംപോലെ ക്രമമായി പരീക്ഷിച്ചേ മതിയാകൂ. ഇവിടെ ഭാഗ്യം പലപ്പോഴും തുണയാകാറുണ്ട്. മൂന്നക്ക നമ്പര്‍ പൂട്ടിലെ ലോക്കിങ് നമ്പര്‍ 356 ആണെങ്കില്‍ , 300 മുതലാണ് പരീക്ഷണം ആരംഭിച്ചത് എങ്കില്‍ അമ്പത്തിയാറ് തവണ പരീക്ഷിക്കുമ്പോള്‍ തന്നെ ഉത്തരം ലഭിച്ചേക്കാം. ബിറ്റ്‌കോയിന്‍ പ്രോട്ടോക്കോളില്‍ ഒരു പ്രത്യേക സംഖ്യക്ക് പകരം നിശ്ചിത എണ്ണം പൂജ്യങ്ങളില്‍ തുടങ്ങുന്ന കോഡ് ആയിരിക്കണം ഉത്തരമായി ലഭിക്കേണ്ടത് എന്നുമാത്രം. എത്ര കൂടുതല്‍ പൂജ്യങ്ങള്‍ ആവശ്യമായി വരുന്നോ അത്രയും ഖനനവൈഷമ്യവും കൂടുന്നു. അതായത് ഖനനം ചെയ്യാനുള്ള വൈഷമ്യം, എത്രപേര്‍ ഇതില്‍ ഏര്‍പ്പെട്ടിരിക്കുന്നു അഥവാ ഏര്‍പ്പെട്ടിരിക്കുന്നവരുടെ കമ്പ്യൂട്ടറുകളുടെ ശേഷിക്ക് ആനുപാതികമായി സ്വയമേവ ക്രമപ്പെടുത്തുന്നു. ഇത്തരത്തിലുള്ള ഒരു ബ്ലോക്ക് 10 മിനിറ്റിനകം കണ്ടെത്തുന്ന രീതിയിലാണ് ബിറ്റ്‌കോയിന്‍ പ്രൊട്ടോക്കോള്‍ ക്രമീകരിച്ചിരിക്കുന്നത്. ബിറ്റ്‌കോയിന്‍ മൈനിങ് നടത്തുന്നവര്‍ ഇത് എങ്ങിനെയാണ് കണ്ടെത്തുന്നതെന്ന് നോക്കാം. അതിനായി ഒരു പ്രായോഗിക ഉദാഹരണം തന്നെയാകട്ടെ. ഒരു എസ് എച് എ 256 ഹാഷ് ഓണ്‍ലൈന്‍ കാല്‍ക്കുലേറ്റര്‍ വെബ് പേജ് ആണ്

 http://www.xorbin.com/tools/sha256-hash-calculator 

ഇത്. ഇവിടെ പോയി Alice transfers 5 bit coins to bob (code=1000000) എന്ന വാചകം പകര്‍ത്തുക. അപ്പോള്‍ ലഭിക്കുന്ന ഹാഷ്b22786515b1f2813c80c86e9ff756e28bf1bc4966a35f549b97d95f47eaeccb0ആയിരിക്കും. ഇനി ഒരു ചോദ്യം. പൂജ്യത്തില്‍ തുടങ്ങുന്ന ഒരു കോഡ് ഉത്തരമായി ലഭിക്കണമെങ്കില്‍ code=1000000 നു പകരമായി ഏതു സംഖ്യ ഉപയോഗിക്കണം എന്നു കണ്ടെത്തുക. അത് യാതൊരു വിധത്തിലും ഊഹിച്ചെടുക്കാനാകില്ല. അതിനാല്‍ 1000001 മുതല്‍ മുകളിലോട്ട് ഓരോന്നായി പരീക്ഷിച്ചു നോക്കുക. Alicet ransfers 5 bit coins to bob (code=1000005) ആകുമ്പോഴേയ്ക്കും ലക്ഷ്യം കാണാം.

ഇതുപോലെ, ഒരു നിശ്ചിത എണ്ണം പൂജ്യങ്ങള്‍ മുന്നില്‍ വരുന്ന കോഡ് ലഭിക്കുന്നതുവരെ, ബിറ്റ്‌കോയിന്‍ മൈനിങ് നടത്തുന്നവരുടെ കമ്പ്യൂട്ടറുകള്‍ ക്രമമായി നൗണ്‍സ് എന്നു വിളിക്കപ്പെടുന്ന ഒരു നിശ്ചിത സംഖ്യ ട്രാന്‍സാക്ഷന്‍ ബ്ലോക്കുകളോടു ചേര്‍ത്ത് പരീക്ഷിച്ചുകൊണ്ടിരിക്കുന്നു. മേല്‍ സൂചിപ്പിച്ച ഉദാഹരണത്തില്‍ ഒരു പൂജ്യത്തില്‍ തുടങ്ങുന്ന കോഡ് ആണ് ആവശ്യപ്പെട്ടത്. അതിനാല്‍ ഉത്തരവും അധികം വിഷമമില്ലാതെ ലഭിച്ചു. പക്ഷേ ആറോ ഏഴോ പൂജ്യങ്ങളില്‍ തുടങ്ങുന്ന ഒരു കോഡ് ആണ് വേണ്ടതെങ്കിലോ? അതിവേഗ കമ്പ്യൂട്ടറുകള്‍ക്കു പോലും ഓരോരോ സംഖ്യകള്‍ ക്രമമായി പരീക്ഷിച്ച് ഫലം കണ്ടെത്താന്‍ ആഴ്ച്ചകളോ മാസങ്ങളോ വേണ്ടിവരും.

നിങ്ങള്‍ക്കുമാകാം ബിറ്റ്‌കോയിന്‍ ഖനനം

ബിറ്റ്‌കോയിന്‍ മൈനിങ് നടത്തുന്നതിന് മേല്‍പ്പറഞ്ഞ ബ്ലോക്ക് ചെയിന്‍, നൗണ്‍സ്, ക്രിപ്‌റ്റോഗ്രാഫി തുടങ്ങിയവയെക്കുറിച്ചൊന്നും അറിവുണ്ടായിരിക്കണമെന്ന് നിര്‍ബന്ധമില്ല. മാത്രവുമല്ല, അതുകൊണ്ട് പ്രത്യേകിച്ച് ഒരു ഗുണവും ഉണ്ടാകാന്‍ പോകുന്നുമില്ല. നിങ്ങള്‍ അറിയേണ്ടത് ഉപയോഗിക്കുന്ന കമ്പ്യൂട്ടറിന് ഒരു സെക്കന്‍ഡില്‍ എത്ര കണക്കുകൂട്ടലുകള്‍ നടത്താനാകും, വൈദ്യുതി ചെലവ് എത്ര എന്നീ വിവരങ്ങള്‍ മാത്രം. ബിറ്റ്‌കോയിന്‍ മൈനിങ് നടത്താന്‍ ആഗ്രഹിക്കുന്നതില്‍ തെറ്റില്ല. പക്ഷേ, അതിനു മുമ്പ് കുറച്ചു കാര്യങ്ങള്‍ മനസിലാക്കുക. 1. ബിറ്റ്‌കോയിന്‍ സ്വന്തമാക്കാനുള്ള ഏറ്റവും നല്ല മാര്‍ഗമല്ല ബിറ്റ്‌കോയിന്‍ ഖനനം. 2. പണച്ചിലവില്ലാത്ത ഒന്നല്ല ബിറ്റ്‌കോയിന്‍ ഖനനം (വൈദ്യുതി സൗജന്യമായാണ് ലഭിക്കുന്നതെങ്കില്‍ ഒരുപക്ഷേ പണച്ചിലവ് അധികമില്ലാതെ ബിറ്റ്‌കോയിനുകള്‍ കുഴിച്ചെടുക്കാം). 3. പേഴ്‌സണല്‍ കമ്പ്യൂട്ടര്‍ ഉപയോഗിച്ച് നിധി മുഴുവന്‍ ഒറ്റയ്ക്ക് കുഴിച്ചെടുത്ത് സ്വന്തമാക്കാമെന്ന വ്യാമോഹം വേണ്ട. (ഒരുപാട് വൈകിപ്പോയി. 2009 ലും 2010 ലും ഇത് സാധ്യമായിരുന്നു.) 4. വളരെയധികം മത്സരമുള്ള ഒരു മേഖലയാണിത്. മാത്രവുമല്ല ബിറ്റ്‌കോയിനുകളുടെ ലഭ്യത കുറഞ്ഞുകോണ്ടേ ഇരിക്കുന്നു. അതിനാല്‍ ലാഭകരമായി ബിറ്റ്‌കോയിന്‍ മൈനിങ് നടത്തണമെങ്കില്‍ വൈദ്യുതി കുറച്ചുപയോഗിക്കുന്നതും വിഭവശേഷി കൂടുതല്‍ ഉള്ളതുമായ കമ്പ്യൂട്ടറുകളോ പ്രത്യേകം നിര്‍മ്മിച്ച മൈനിങ് റിഗ്ഗുകളോ ഉപയോഗിക്കേണ്ടിവരും.

മൈനിങിനുള്ള ഉപകരണങ്ങള്‍

 സി പി യു മൈനിങ് ഹാര്‍ഡ്‌വേര്‍നമ്മളെല്ലാം ഉപയോഗിക്കുന്ന പേഴ്‌സണല്‍ കമ്പ്യൂട്ടര്‍ സി പി യു മൈനിങ് ഹാര്‍ഡ്‌വേര്‍ ആയി ഉപയോഗിക്കാം. 2009 -10 വര്‍ഷങ്ങളില്‍ പേഴ്‌സണല്‍ കമ്പ്യൂട്ടര്‍ സി പി യു ഉപയോഗിച്ചു തന്നെ ബിറ്റ്‌കോയിന്‍ മൈനിങ് നടത്താവുന്നതായിരുന്നു. അന്ന് മൈനിങ് നടത്തുന്നവരുടെ എണ്ണവും ബിറ്റ്‌കോയിന്‍ വിനിമയവും വളരെ കുറവായിരുന്നു. മാത്രമല്ല ബിറ്റ്‌കോയിന്‍ പ്രോട്ടോക്കോള്‍ പ്രകാരം കൂടുതല്‍ ബിറ്റ്‌കോയിന്‍ മൈനിങ് മുഖേന ലഭ്യവുമായിരുന്നു. 2010 ല്‍ മാധ്യമങ്ങളിലൂടെ ബിറ്റ്‌കോയിന്‍ വളരെപ്പെട്ടന്ന് ലോക ശ്രദ്ധയാകര്‍ഷിച്ചു. ബിറ്റ്‌കോയിനുകള്‍ക്ക് വലിയ വിലയൊന്നുമില്ലാതിരുന്ന അക്കാലത്ത് പലരും ബിറ്റ്‌കോയിന്‍ മൈനിങ് ഒരു ഹോബിയായാണ് കണ്ടത്. സങ്കീര്‍ണ്ണമായ കണക്കുകൂട്ടല്‍ പ്രക്രിയ 'ടെക്കി'കളെ ഹരം കൊള്ളിച്ചു. കമ്പ്യൂട്ടറിന്റെ വിഭവശേഷി കൂട്ടിയും ഒന്നില്‍ കൂടൂതല്‍ കമ്പ്യൂട്ടറുകളെ കൂട്ടിയിണക്കിയും വാശിയോടെ നാണയങ്ങള്‍ സമ്പാദിക്കാന്‍ തുടങ്ങി. കൂടുതല്‍ പേര്‍ മൈനിങ് തുടങ്ങിയതോടെ സാധാരണ കമ്പ്യൂട്ടറുകള്‍ ഖനനത്തിനു മതിയാകാതെ വന്നു. തുടര്‍ന്ന് സി പി യു മൈനിങ് കൂടുതല്‍ വിഭവശേഷിയുള്ള ജി പി യു (ഗ്രാഫിക് പവര്‍ യൂണിറ്റ്) മൈനിങിനു വഴിമാറി. പെന്റിയം ഡ്യുവല്‍ കോര്‍ E 5400- 2.2 മെഗാ ഹാഷ് പ്രതി സെക്കന്റ്. ഇന്റല്‍  കോര്‍ i3-43  പ്രോസസ്സര്‍ 8.31 മെഗാ ഹാഷ് പ്രതി സെക്കന്റ്. കോര്‍ i5-2500 K പ്രോസസ്സര്‍ 20.6 മെഗാ ഹാഷ് പ്രതി സെക്കന്റ്. കോര്‍ i7-3930 K പ്രോസസ്സര്‍ 66.6 മെഗാ ഹാഷ് പ്രതി സെക്കന്റ്.

ജി പി യു മൈനിങ്കൂടുതല്‍ വിഭവശേഷി ആവശ്യമുള്ള കമ്പ്യൂട്ടര്‍ ഗെയിമുകള്‍ കളിക്കുന്നതിനും വീഡിയോ/അനിമേഷന്‍/ഗ്രാഫിക്‌സ് എഡിറ്റിങ് ആവശ്യങ്ങള്‍ക്കും ഉപയോഗിക്കുന്ന ഗ്രാഫിക് പ്രോസസിംഗ് യൂണിറ്റുകള്‍ക്ക് ബിറ്റ്‌കോയിന്‍ മൈനിങിന് വളരെ അനുയോജ്യമാണെന്ന കണ്ടെത്തലിനെത്തുടര്‍ന്ന് വിപണിയിലെ താരമായിരുന്ന ATI Radeon HD 5870ചൂടപ്പം പോലെ വിറ്റഴിഞ്ഞു. AMD/ATI Radeon HD 5450: 18.10 മെഗാ ഹാഷ് പ്രതി സെക്കന്റ്. AMD/ATI Radeon HD 6670: 102.2 മെഗാ ഹാഷ് പ്രതി സെക്കന്റ്. AMD/ATI Radeon HD 5870: 300 500 മെഗാ ഹാഷ് പ്രതി സെക്കന്റ്  Sapphire ATI Radeon HD7950: 500825 മെഗാ ഹാഷ് പ്രതി സെക്കന്റ്ള്

Poold Mining

 മണ്ണു കോരലും പാറപൊട്ടിക്കലുമെല്ലാം ഒറ്റയ്ക്ക് നടക്കില്ല എന്ന സ്ഥിതി വന്നപ്പോള്‍ മൈനിങ് നടത്താന്‍ , താത്പര്യമുള്ളവരെ കൂട്ടിയിണക്കി 'പൂള്‍ഡ് മൈനിങ്' ആരംഭിച്ചു. ഇവിടെ ലോകത്തെ വിവിധ ഭാഗങ്ങളിലെ കമ്പ്യൂട്ടറുകളുടെ വിഭവശേഷി കൂട്ടിയിണക്കി ലഭിക്കുന്ന നിധി പങ്കുവയ്ക്കുന്ന രീതിയാണ് കൂടുതല്‍ അനുയോജ്യമെന്ന് തിരിച്ചറിഞ്ഞു. ഇപ്പോഴും ഇതുതന്നെയാണ് കൂടുതല്‍ പേരും ഉപയോഗപ്പെടുത്തുന്നത്. അപ്ലിക്കേഷന്‍ സ്‌പെസിഫിക് ഇന്റഗ്രേറ്റഡ് സര്‍ക്കീട്ട് (എ എസ് ഐ സി) 

ബിറ്റ്‌കോയിന്‍ മൈനിങിന്റെ വ്യാവസായിക സാധ്യതകള്‍ തെളിഞ്ഞപ്പോള്‍ ബട്ടര്‍ഫ് ളൈ ലാബ്‌സിനെപ്പോലെയുള്ള കമ്പനികള്‍ മൈനിങിനു മാത്രമായുള്ള പ്രത്യേക ഉപകരണങ്ങള്‍ വിപണിയിലിറക്കി. മൈനിങ് ലാഭകരമാകണമെങ്കില്‍ കുറഞ്ഞ വൈദ്യുത ചിലവില്‍ കൂടുതല്‍ കണക്കു കൂട്ടലുകള്‍ നടത്താന്‍ കഴിയണം. വെറും 350 വാട്ട് വൈദ്യുതി മാത്രം ഉപയോഗിച്ച് 600 ഗിഗാ ഹാഷ് പ്രതി സെക്കന്റ് കണക്കുകൂട്ടലുകള്‍ നടത്താന്‍ തക്ക ശേഷിയുള്ള ബിറ്റ്‌കോയിന്‍ റിഗ്ഗുകള്‍ക്ക് കഴിയും. അതായത് സാധാരണ ജി പി യു മൈനിങിന്റേതില്‍ നിന്നും നൂറുകണക്കിനു മടങ്ങ് ശക്തി, കുറഞ്ഞ ചെലവില്‍. പക്ഷേ ഇത്തരം മൈനിങ് റിഗ്ഗുകളുടെ വില രണ്ടു ലക്ഷം രൂപ മുതല്‍ മുകളിലോട്ടാണ്. ഇവയുടെ കണക്കുകൂട്ടല്‍ ശേഷി ഒന്നു കണ്ടു നോക്കൂ. മൊണാര്‍ക്ക് ബി പിയു 300 സി ബട്ടര്‍ഫ് ളൈ ലാബ് 600 ഗിഗാ ഹാഷ് പ്രതി സെക്കന്റ്. KnC Jupiter- 500 ഗിഗാ ഹാഷ് പ്രതി സെക്കന്റ്. നിധിവേട്ട കൊഴുക്കുമ്പോള്‍ തൂമ്പയുണ്ടാക്കുന്ന കൊല്ലനു കോളാണെന്നു പറയുന്നതുപോലാണ് ബിറ്റ്‌കോയിന്‍ റിഗ്ഗുകള്‍ ഉണ്ടാക്കുന്ന കമ്പനികളുടെ കാര്യം. രണ്ടു ലക്ഷം രൂപ വിലവരുന്ന ഒരു മൈനിങ് റിഗ് വാങ്ങിയാല്‍ ഒരുമാസം കൊണ്ട് കാശ് മുതലായേക്കാം പക്ഷേ ഇത് ശരിയായ രീതിയില്‍ പ്രവര്‍ത്തിക്കും എന്ന് യാതൊരു ഉറപ്പുമില്ല. ഇത്തരം മൈനിങ് റിഗ്ഗുകള്‍ ചൂടപ്പം പോലെ വിപണിയില്‍ വിറ്റഴിയുന്നുണ്ട് പക്ഷേ അതുപോലെത്തന്നെ ധാരാളം പരാതികളും ഉയരുന്നു.ഹോസ്റ്റഡ് മൈനിങ്സ്വന്തമായി കമ്പ്യൂട്ടറും മൈനിങ് റിഗ്ഗും ഒന്നുമില്ലാത്തവരും വിഷമിക്കേണ്ട. മൈനിങ് റിഗ്ഗുകള്‍ വാടകയ്ക്കും ലഭിക്കും. അതായത് വലിയ കമ്പ്യൂട്ടറുകള്‍ നിങ്ങള്‍ക്ക് മൈനിങിനായി നിശ്ചിത തുക നല്‍കി വാടകയ്‌ക്കെടുക്കാം. ബിറ്റ്‌കോയിന്‍ മൈനിങ് ഹാര്‍ഡ്‌വേര്‍ രംഗത്തെ അതികായരായ ബട്ടര്‍ഫ് ളെ ലാബ്‌സ് ഇത്തരത്തില്‍ ഒരു ഗിഗാ ഹാഷ് പ്രതി സെക്കന്റിന് 10.83 ഡോളര്‍ എന്ന നിരക്കില്‍ മൈനിങ് റിഗ്ഗുകള്‍ വാടകയ്ക്ക് നല്‍കുന്നു. 

മൈനിങ് ലാഭകരമോഇവിടെ ഊഹത്തിനു സ്ഥാനമില്ല. ഒന്നു കണക്കുകൂട്ടി നോക്കാം .http://www.bitcoinx.com/ 

എന്ന വെബ്‌സൈറ്റ് ഇതിനായി നല്ലൊരു കാല്‍ക്കുലേറ്റര്‍ ലഭ്യമാക്കുന്നു. ഇതില്‍ ആവശ്യമായ വിവരങ്ങള്‍ നല്‍കിയാല്‍ നിങ്ങള്‍ ഉപയോഗിക്കുന്ന കമ്പ്യൂട്ടര്‍ ഹാര്‍ഡ്‌വേര്‍ ഉപയോഗിച്ച് ബിറ്റ്‌കോയിന്‍ ഖനനം ലാഭകരമാകുമോ എന്നതിനെക്കുറിച്ചുള്ള ഒരു ഏകദേശ ധാരണ ലഭിക്കും.താഴെപ്പറയുന്ന ഘടകങ്ങളെ ആശ്രയിച്ചാണ് ബിറ്റ്‌കോയിന്‍ ഖനനത്തിന്റെ ലാഭനഷ്ടക്കണക്കുകള്.

Mining വൈഷമ്യം Difficutly

ഒരു പുതിയ ബിറ്റ്‌കോയിന്‍ ബ്ലോക്ക് കണ്ടെത്താന്‍ എത്രകണ്ട് വിഷമമാണ് എന്നതിനെ കുറിക്കുന്ന ഏകകം ആണ് ഖനന വൈഷമ്യം. ഓരോ 2016 ബ്ലോക്കുകള്‍ കൂട്ടിച്ചേക്കുമ്പോഴും ഇത് തിരുത്തപ്പെടുന്നു. 1. http://blockexplorer.com/q/getdifficutly ഈ ലിങ്കില്‍ നിന്നും തല്‍സമയ നിലവാരം അറിയാനാകും.

2. ഓരോ ബ്ലോക്കും കൂട്ടിച്ചേര്‍ക്കുമ്പോള്‍ ലഭിക്കാവുന്ന പരമാവധി ബിറ്റ്‌കോയിനുകളുടെ എണ്ണം. നിലവില്‍ ഇത് 25 ആണ്.

3. ബിറ്റ്‌കോയിന്‍ വിനിമയ നിരക്ക്.

4. ഉപയോഗിയ്ക്കുന്ന കമ്പ്യൂട്ടറിന്റെ/ബിറ്റ്‌കോയിന്‍ റിഗ്ഗിന്റെ ശേഷി ഗിഗാ ഹാഷ്/മെഗാ ഹാഷ് പ്രതി സെക്കന്റില്‍.

5. ഇലക്ട്രിസിറ്റി നിരക്ക്. 6. കമ്പ്യൂട്ടറിന്റെ / മൈനിങ് റിഗ്ഗിന്റെ പവര്‍ .

7. മൈനിങ് നടത്താന്‍ ഉദ്ദേശനിങ്ങള്‍ക്കും ബിറ്റ്‌കോമൈനിങിന്റെയിന്‍ ഭാഗമാകാവുന്നതാണ്. ബിറ്റ്‌കോയിനുകളെക്കുറിച്ച്ിക്കുന്ന സമയം.നിങ്ങള്‍ക്കുമാകാം സി പി യു മൈനിങ്നിലവില്‍ ഒറ്റയ്ക്ക് സി പി യു മൈനിങ് നടത്തുന്നത് ലാഭകരമല്ലെങ്കിലും പൂള്‍ഡ് മൈനിങിലൂടെ കൂടുതള്‍ അറിയാനും ഇത് സഹായകമാകും. ഇതിനായി ആദ്യം വേണ്ടത് ഒരു ബിറ്റ്‌കോയിന്‍ വാലറ്റ് അപ്ലിക്കേഷനാണ്

.വിവിധ തരം ബിറ്റ്‌കോയിന്‍ വാലറ്റുകളെക്കുറിച്ച് കഴിഞ്ഞ ഭാഗത്ത് പ്രതിപാദിച്ചിരുന്നല്ലോ. ഓണ്‍ലൈന്‍ വാലറ്റുകളുടെ വിശ്വസനീയതയെക്കുറിച്ച് സംശയമുള്ള സ്ഥിതിക്ക് ആദ്യമായി ഓഫ്‌ലൈന്‍ വാലറ്റ് അപ്ലിക്കേഷനില്‍ തുടങ്ങാം. അതിനായി നിങ്ങളുടെ ഓപ്പറേറ്റിങ് സിസ്റ്റത്തിനനുസരിച്ചുള്ള ഒരു ബിറ്റ്‌കോയിന്‍ ക്ലയന്റ് അപ്ലിക്കേഷന്‍ ഇവിടെനിന്നും തെരഞ്ഞെടുക്കാം. പൊതുവെ ഉപയോഗിക്കപ്പെടുന്ന ലളിതമായ സൗജന്യ സ്വതന്ത്ര ബിറ്റ്‌കോയിന്‍ ക്ലയന്റ് ആണ് മള്‍ട്ടി ബിറ്റ് (https://multibit.org/). ബിറ്റ്‌കോയിന്‍ ക്ലയന്റ് ഉപയോഗിച്ച് ബിറ്റ്‌കോയിന്‍ വാലറ്റുകള്‍ നിര്‍മ്മിക്കാം. ബിറ്റ്‌കോയിന്‍ വാലറ്റിനെ സാധാരണ ഒരു പണപ്പെട്ടിയോട് ഉപമിക്കാം. െ്രെപവറ്റ് കീ എന്ന താക്കോല്‍ ഉടമസ്ഥന്റെ കൈവശം സുരക്ഷിതമായ പണപ്പെട്ടി. ആ പണപ്പെട്ടിയുടെ വിലാസമാണ് ബിറ്റ്‌കോയിന്‍ അഡ്രസ്. നിങ്ങള്‍ക്ക് മറ്റൊരാളില്‍ നിന്നും പണം സ്വീകരിക്കുന്നതിന് ഈ വിലാസമാണ് നല്‍കേണ്ടത്. മള്‍ട്ടിബിറ്റ് സോഫ്റ്റ്‌വേറും അതിലൂടെ നിര്‍മ്മിച്ച വാലറ്റും വാലറ്റ് വിലാസവും ചിത്രത്തില്‍ ശ്രദ്ധിക്കുക.സ്വന്തം കമ്പ്യൂട്ടറിനെ വിശ്വാസമില്ലാത്തവര്‍ക്ക്കോയിന്‍ ബേസിനെപ്പോലെയുള്ള (coinbase.com) ഏതെങ്കിലും നല്ലൊരു ഓണ്‍ലൈന്‍ വാലറ്റും പരീക്ഷിക്കാവുന്നതാ

ണ്.

Pooled മൈനിങ് അക്കൗണ്ട്

ഒറ്റയ്ക്ക് സിപിയു, ജിപിയു തുടങ്ങിയവ ഉപയോഗിച്ച് ബിറ്റ്‌കോയിന്‍ മൈനിങ് നടത്താവുന്ന കാലം പോയ്ക്കഴിഞ്ഞു. ഇപ്പോള്‍ ചെയ്യാവുന്നത് ഏതെങ്കിലും ഒരു നല്ല ബിറ്റ്‌കോയിന്‍ മൈനിങ് കൂട്ടായ്മയില്‍ പങ്കുചേര്‍ന്ന് ഒരു വിഹിതം സ്വന്തമാക്കുക എന്നതാണ്. ഇത്തരം അനേകം പൂള്‍ഡ് മൈനിങ് വെബ്‌സൈറ്റുകള്‍ ഉണ്ട്. അതില്‍ ഏതെങ്കിലും ഒന്നില്‍ അംഗത്വം എടുക്കുക. 'സ്ലഷ് പൂള്‍ (https://mining.bitcoin.cz/)' ഈ അടുത്ത കാലത്തായി ബിറ്റ്‌കോയിന്‍ മൈനിങ് ചെയ്യുന്നവര്‍ക്കിടയില്‍ പ്രശസ്തമായ ഒന്നാണ്. സ്ലഷ് പൂളില്‍ ഒരു അംഗത്വം എടുത്തു വയ്ക്കുക

.സ്ലഷ് പൂള്‍ അക്കൗണ്ടില്‍ നിങ്ങളുടെ ബിറ്റ്‌കോയിന്‍ വാലറ്റ് അഡ്രസ്സ്, പേയ്മന്റ് ത്രഷോള്‍ഡ് തുടങ്ങിയ വിവരങ്ങള്‍ രേഖപ്പെടുത്തിയ ശേഷം ഒരു പുതിയ തൊഴിലാളിയെ സൃഷ്ടിക്കണം. അതിനായി'Register new worker' എന്ന ലിങ്കില്‍ അമര്‍ത്തി ഇഷ്ടമുള്ളൊരു പേരും പാസ്‌വേഡും നല്‍കാം. ഇത്തരത്തില്‍ ഒന്നിലധികം ജോലിക്കാരെ സൃഷ്ടിക്കാവുന്നതാണ്. ഈ തൊഴിലാളികളെയാണ് ബിറ്റ്‌കോയിന്‍ മൈനിങിനായി ചുമതലപ്പെടുത്തേണ്ടത്. ഇവരുടെ യൂസര്‍ നേമും പാസ്‌വേഡും ബിറ്റ്‌കോയിന്‍ മൈനിങ് സോഫ്റ്റ്‌വേറില്‍ ചേര്‍ക്കേണ്ടതുണ്ട്. ഇനി ഒരു ബിറ്റ്‌കോയിന്‍ മൈനിങ് സോഫ്റ്റ്‌വേര്‍ കൂടിയുണ്ടെങ്കില്‍ ഖനനം തുടങ്ങാം.

.മൈനിങ് സോഫ്റ്റ്‌വേറുകള്‍

ഓപ്പറേറ്റിംസ് സിസ്റ്റത്തിനനുസരിച്ച് അനേകം ബിറ്റ്‌കോയിന്‍ മൈനിങ് സോഫ്റ്റ്‌വേറുകള്‍ ലഭ്യമാണ്. ഇത്തരത്തില്‍ വളരെ ലളിതമായ ഒന്നായ ജി യു ഐ മൈനര്‍ (http://guiminer.org/) എന്ന സോഫ്റ്റ്‌വേര്‍ നമുക്ക് ഉപയോഗിക്കാം.ജി യു ഐ മൈനര്‍ അപ്ലിക്കേഷന്‍ ഡൗണ്‍ലോഡ് ചെയ്താല്‍ അത് ഒരു ഫോള്‍ഡറിലേയ്ക്ക് അണ്‍ സിപ്പ് ചെയ്യപ്പെടുന്നു (വിന്‍ഡോസ് കണ്ട്രോള്‍ പാനലിലോ പ്രോഗ്രാം ലിസ്റ്റിലോ ഇത് കാണാന്‍ കഴിയില്ല). ഏത് ഫോള്‍ഡറിലേക്കാണോ അണ്‍ സിപ്പ് ചെയ്തത് പ്രസ്തുത ഫോള്‍ഡര്‍ തുറന്ന്guiminer.exe എന്ന ഫയല്‍ തുറക്കുക. ഇവിടെ ലഭിക്കുന്ന സ്‌ക്രീനില്‍ നിങ്ങള്‍ ഉപയോഗിക്കുന്ന പൂള്‍ഡ് മൈനിങ് സെര്‍വ്വര്‍ (ലഭ്യമായ പ്രധാന പൂള്‍ഡ് മൈനിങ് സെര്‍വ്വറുകളെല്ലാം ഡ്രോപ് ഡൌണ്‍ മെനുവില്‍ ലഭ്യമാണ്). ഇവിടെ 'Slush's Pool'തെരഞ്ഞെടുക്കുക. അതിനു ശേഷം സ്ലഷ് പൂള്‍ വെബ് സൈറ്റില്‍ മുന്‍പേ നിര്‍മിച്ച മൈനിങ് വര്‍ക്കറുടെ യൂസര്‍ നേമും പാസ്‌വേഡും ഇവിടെ നല്‍കുക. മൈനിങ് ഡിവൈസ് ആയി ഇന്‍സ്റ്റാള്‍ ചെയ്യപ്പെട്ടിട്ടുള്ള ഗ്രാഫിക്‌സ് കാര്‍ഡ്, സി പി യു തുടങ്ങിയവ ഉപയോഗിക്കാം.